India News: રાજસ્થાનના બાંસવાડામાં આવેલી સોનાની ખાણના બે બ્લોકની હરાજી પ્રક્રિયા પૂર્ણ થઈ ગઈ છે. આ સાથે રાજસ્થાન દેશનું ચોથું રાજ્ય બન્યું, જ્યાં સોનાની ખાણ મળી આવી છે. રાજસ્થાન સરકારે ભુકિયા-જગપુરા માઈનિંગ બ્લોક માટે ઓનલાઈન ટેન્ડર પ્રક્રિયામાં રતલામની સૈયદ ઓવૈસ અલી પેઢીને લાઇસન્સ આપ્યું છે.
રાજસ્થાનનું બાંસવાડા દેશના ચાર રાજ્યોમાંનું એક બની ગયું છે જેની પાસે સોનાનો ભંડાર છે. તે આગામી સમયમાં દેશના 25% સોનું સપ્લાય કરે તેવી શક્યતા છે. બાંસવાડાના ઘાટોલ બ્લોકમાં ખાણકામ માટે ભુકિયા-જગપુરા બે બ્લોક ફાળવવામાં આવ્યા છે.
તાજેતરમાં બંને બ્લોક માટે ટેકનિકલ બિડ ખોલ્યા બાદ, ગોલ્ડ માઇનિંગ માટે લાયસન્સ મંજૂર કરવામાં આવ્યું છે. ભુકિયા-જગપુરા ગોલ્ડ બ્લોકના માઈનિંગ લાયસન્સ માટે દેશની ચારથી વધુ મોટી કંપનીઓ વચ્ચે ગળાકાપ સ્પર્ધા હતી.
ભૂસ્તરશાસ્ત્રીઓના જણાવ્યા અનુસાર, આ વિસ્તારમાં 940.26 હેક્ટર વિસ્તારમાં 113.52 મિલિયન ટન ગોલ્ડ ઓરનું પ્રારંભિક મૂલ્યાંકન કરવામાં આવ્યું છે, જેમાં સોનાની ધાતુની માત્રા 222.39 ટન હોવાનો અંદાજ છે. કાંકરિયા ગરામાં 205 હેક્ટરમાં 1.24 મિલિયન ટન સુવર્ણ અયસ્કની સંભાવના છે. આ સોનાની ખાણોમાંથી સોનાની સાથે અન્ય સહ-ખનિજો પણ કાઢવામાં આવશે.
સોનાક્ષી સિંહાના લગ્નની અંદરની વિગતો બહાર આવી, સેલિબ્રેશન અંબાણી કરતાં જરાય ઓછું નહીં હોય!
માત્ર 14 દિવસમાં ડુંગળીના ભાવ 50% વધ્યા, ચૂંટણી પૂરી થતા જ ભડકો થયો, જાણો હજુ કેટલા વધશે?
સરકાર બનતાની સાથે જ બેંક કર્મચારીઓની બલ્લે બલ્લે, 16% DA વધારાની ભેટ, ફટાફટ જાણી લો ફાયદાની વાત
ડિવિઝનલ કમિશનર નીરજ કે પવને જણાવ્યું હતું કે બાંસવાડા જિલ્લામાં સોનાની ખાણકામ ઇલેક્ટ્રોનિક્સ, પેટ્રોલિયમ, પેટ્રોકેમિકલ્સ, બેટરી, એર બેગ સહિતના ઘણા ઉદ્યોગોમાં નવા રોકાણો સાથે પ્રત્યક્ષ અને પરોક્ષ રોજગાર માટે અણધારી તકો ઊભી કરશે.