Vibrant Gujarat: વાઇબ્રન્ટ ગુજરાત ગ્લોબલ સમિટમાં રિલાયન્સ ઇન્ડસ્ટ્રીઝ લિમિટેડના ચેરમેન મુકેશ અંબાણીએ આજે વાઇબ્રન્ટ ગુજરાત ગ્લોબલ સમિટ 2024ને સંબોધિત કરી હતી.
આ દરમિયાન તેમણે વડાપ્રધાન નરેન્દ્ર મોદીના ખૂબ વખાણ કર્યા હતા. મુકેશ અંબાણીએ કહ્યું કે જ્યારે પીએમ મોદી બોલે છે ત્યારે આખી દુનિયા સાંભળે છે. રાજ્યના પાટનગર ગાંધીનગરમાં વાઈબ્રન્ટ ગુજરાત ગ્લોબલ સમિટનું આયોજન કરવામાં આવી રહ્યું છે, જેમાં ઉદ્યોગપતિઓ આવી પહોંચ્યા છે.
રિલાયન્સ ઇન્ડસ્ટ્રીઝ લિમિટેડના ચેરમેન અને એમડી મુકેશ અંબાણીએ જણાવ્યું હતું કે અમે ભારતમાં વિશ્વસ્તરીય સુવિધાઓ પ્રદાન કરવા માટે સતત રોકાણ કરી રહ્યા છીએ. વાઇબ્રન્ટ ગુજરાત ગ્લોબલ સમિટ 2024માં RILના CMD એ કહ્યું કે મને ગુજરાતી હોવાનો ગર્વ છે. વાઈબ્રન્ટ ગુજરાત સાથે મેળ ખાતી હોય તેવી કોઈ કોન્ફરન્સ વિશ્વમાં નથી. છેલ્લા 20 વર્ષથી આ કોન્ફરન્સ સફળતાપૂર્વક ચાલી રહી છે.
મુકેશ અંબાણીએ કહ્યું, ‘હું ગેટવે ઓફ ઈન્ડિયાના શહેરમાંથી આવું છું અને હવે તે ગેટવે ઓફ મોર્ડન ઈન્ડિયા બની ગયું છે. મને ગુજરાતી હોવાનો ગર્વ છે. જ્યારે પણ વિદેશીઓ ન્યૂ ઈન્ડિયા વિશે વિચારે છે ત્યારે તેમના મગજમાં સૌથી પહેલું આવે છે તે છે નવું ગુજરાત.
આ પરિવર્તન કેવી રીતે થયું? આપણા નેતાઓને કારણે, જે આપણા સમયના વિશ્વના મહાન નેતાઓમાં સામેલ છે. પીએમ મોદી ભારતના ઈતિહાસના સૌથી સફળ વડાપ્રધાન છે.