Business News: રિઝર્વ બેંક ઓફ ઈન્ડિયા (RBI) એ આ વર્ષે જાન્યુઆરીથી એપ્રિલ સુધીના ચાર મહિનામાં તેના ભંડારમાં 24 ટન સોનું ઉમેર્યું છે. ભૌગોલિક રાજકીય તણાવ વચ્ચે અસ્થિરતા ટાળવા માટે મધ્યસ્થ બેંક તેના અનામતમાં વિવિધતા લાવી રહી છે. રિઝર્વ બેંક ઓફ ઈન્ડિયાના ડેટા અનુસાર તેણે ગયા વર્ષના સમાન સમયગાળાની સરખામણીએ આ વર્ષના પ્રથમ ચાર મહિનામાં લગભગ દોઢ ગણી સોનાની ખરીદી કરી છે. ગયા વર્ષે જાન્યુઆરીથી એપ્રિલ દરમિયાન આરબીઆઈએ તેના સોનાના ભંડારમાં 16 ટનનો વધારો કર્યો હતો. બેંકના તાજેતરના ડેટા અનુસાર 26 એપ્રિલ, 2024ના રોજ આરબીઆઈના વિદેશી મુદ્રા ભંડારમાં સોનું 827.69 ટન હતું, જે ડિસેમ્બરના અંતે 803.6 ટન હતું.
ભારત સોનાના સૌથી મોટા ઉપભોક્તાઓમાંનું એક રહ્યું છે, પરંતુ દેશની મધ્યસ્થ બેંક તેના સોનાના ભંડાર એકઠા કરવામાં ભાગ્યે જ આટલી સક્રિય રહી છે. 1991 માં, જ્યારે દેશ વિદેશી હૂંડિયામણની કટોકટીનો સામનો કરી રહ્યો હતો, ત્યારે કેન્દ્રીય બેંકે તેના સોનાના અનામતનો એક ભાગ ગીરવે મૂક્યો હતો. સરકારના આ નિર્ણયની આકરી ટીકા થઈ હતી. જો કે તમામ સોનું સેન્ટ્રલ બેંકની તિજોરીમાં પાછું આવી ગયું છે, પરંતુ તેણે ડિસેમ્બર 2017થી જ બજારમાં ખરીદી દ્વારા તેના સ્ટોકમાં ઉમેરવાનું શરૂ કર્યું. 2022 માં બેંકે બજારોમાંથી ઘણું સોનું ખરીદ્યું હતું. ગયા વર્ષે 2023માં આરબીઆઈએ ઓછું સોનું ખરીદ્યું હતું પરંતુ આ વર્ષે તે ફરી આક્રમક રીતે સોનું ખરીદી રહી છે.
ડિસેમ્બર 2023ના અંત સુધીમાં કુલ વિદેશી મુદ્રા ભંડારમાં સોનાનો હિસ્સો 7.75 ટકા હતો, જે એપ્રિલ 2024ના અંત સુધીમાં વધીને લગભગ 8.7 ટકા થયો હતો. સોનાના ભાવમાં સતત વધારો થવાને કારણે વોલ્યુમ ઉપરાંત સેન્ટ્રલ બેંક પણ વેલ્યુએશન ગેઇન કરી રહી છે. મોટાભાગની અન્ય ઊભરતી બજારની મધ્યસ્થ બેન્કોની જેમ, આરબીઆઈ પણ ચલણની અસ્થિરતા સામે હેજ કરવા માટે તેના અનામતમાં વિવિધતા લાવી રહી છે.
પાંચ દિવસ સુધી આકરી ગરમી, પછી મળશે રાહત, મેઘરાજા હાશકારો અપાવશે.. જાણો IMDનું નવું અપડેટ
દેશમાં ફરીથી કોરોનાએ ભરડો લીધો, અહીં 25000 કેસ, ગુજરાતમાં પણ આટલા, આરોગ્ય વિભાગે ચેતવણી આપી કે…
દિલીપ જોશી પર ખુરશી ફેંકી અને જેઠાલાલનો પિત્તો ગયો, આપી દીધી તારક મહેતા શો છોડવાની ધમકી, પછી…
આરબીઆઈના અર્થશાસ્ત્રીઓએ અર્થવ્યવસ્થાની સ્થિતિનું મૂલ્યાંકન કરતી વખતે કહ્યું છે કે વૈશ્વિક અનિશ્ચિતતાને કારણે ઊભરતાં બજારોની મધ્યસ્થ બેન્કો મોટા પાયે સોનાની ખરીદી કરી રહી છે. 2024 ના પહેલા ક્વાર્ટરમાં તેણે 290 ટન સોનું ખરીદ્યું. આ કુલ વૈશ્વિક સોનાની માંગના ચોથા ભાગનો હિસ્સો છે.