Cricket News: એશિયા કપ 2023માં જ્યારે ભારત-પાકિસ્તાન વચ્ચે ટક્કર થઈ ત્યારે તે મેચ પહેલા વિરાટ કોહલીની એક તસવીર વાયરલ થઈ હતી. તે તસવીરમાં વિરાટ કોહલી પાકિસ્તાનના ખેલાડીઓ સાથે ખૂબ જ મસ્તી કરતો જોવા મળ્યો હતો. તમને જણાવી દઈએ કે વિરાટ કોહલીની પાકિસ્તાની ખેલાડીઓ સાથે સારી મિત્રતા છે અને જ્યારે પણ આ બંને ટીમો એકબીજા સાથે ટકરાતા હોય છે ત્યારે ઘણી વાર આવી મિત્રતા જોવા મળે છે. જોકે કેટલાક લોકોને વિરાટ કોહલીનું આ વલણ પસંદ આવ્યું નથી. ટીમ ઈન્ડિયાના પૂર્વ ક્રિકેટર અને એશિયા કપમાં કોમેન્ટ્રી કરી રહેલા ગૌતમ ગંભીર આ મુદ્દે ઘણું બોલ્યા છે.
ગૌતમ ગંભીરે કહ્યું કે, અમારા સમયમાં વિરોધી ખેલાડીઓને ગળે લગાડવા, તેમના ખભા પર હાથ રાખવાનું નથી થયું. મેચ દરમિયાન ખેલાડીની નજરમાં આક્રમકતા હોવી જોઈએ. કારણ કે તે સમયે તમે તમારા દેશની ટીમનું પ્રતિનિધિત્વ કરી રહ્યા છો. તમારે જીતવા વિશે વિચારવું જોઈએ. ગંભીરે કહ્યું કે તે 6-7 કલાક ખૂબ જ મહત્વપૂર્ણ છે. તે સમયે તમે માત્ર ટીમ ઈન્ડિયાની જર્સી પહેરી ન હતી પરંતુ તમે 140 કરોડ લોકોનું પ્રતિનિધિત્વ પણ કરી રહ્યા હતા.
હવે સવાલ એ છે કે શું વિરાટ કોહલીએ પાકિસ્તાની ખેલાડીઓ સાથે મજાક કરીને ખોટું કર્યું? શું ગંભીર તેના વલણની નિંદા કરી રહ્યો છે? જણાવી દઈએ કે પાકિસ્તાનના ઘણા ખેલાડીઓ વિરાટને પોતાનો આઇડલ માને છે. પાકિસ્તાની કેપ્ટન બાબર આઝમ પોતે વિરાટના વીડિયો જોઈને કેટલીક બાબતો શીખવાનો પ્રયાસ કરે છે. આ વાત ખુદ બાબરે ઈન્ટરવ્યુમાં કહી છે. આવી સ્થિતિમાં જ્યારે પાકિસ્તાની ખેલાડીઓ વિરાટ સાથે વાત કરશે તો તેઓ તેનાથી દૂર નહીં ભાગે. ગંભીરનો પોતાનો અભિપ્રાય છે અને વિરાટ કોહલીનો પોતાનો રસ્તો છે.
તહેવાર માથે આવ્યા અને સોના ચાંદીના ભાવમાં તોતિંગ વધારો, ખરીદનાર જાણી લો એક તોલોના કેટલા હજાર છે
તમને જણાવી દઈએ કે વિરાટ કોહલી પાકિસ્તાન સામે ફ્લોપ રહ્યો હતો. આ ખેલાડી માત્ર 4 રન બનાવીને બોલ્ડ થયો હતો. તેની વિકેટ શાહીન આફ્રિદીએ લીધી હતી. માત્ર વિરાટ જ નહીં, રોહિત શર્મા, શુભમન ગિલ પણ પાકિસ્તાન સામે કંઈ કરી શક્યા નથી. મિડલ ઓર્ડરમાં હાર્દિક પંડ્યા અને ઈશાન કિશને શાનદાર સદીની ભાગીદારી કરીને ટીમ ઈન્ડિયાને 266 રન સુધી પહોંચાડી દીધી હતી. જો કે તે પછી વરસાદ પડ્યો અને મેચ રદ્દ થઈ ગઈ.