Sehar Shinwari On IND vs BAN: ગયા શનિવારે (14 ઓક્ટોબર) ODI વર્લ્ડ કપ 2023માં પાકિસ્તાનને ભારત સામે કારમી હારનો સામનો કરવો પડ્યો હતો. અમદાવાદના નરેન્દ્ર મોદી સ્ટેડિયમમાં ટીમ ઈન્ડિયાએ પાકિસ્તાનને 7 વિકેટે હરાવ્યું હતું. આ હાર બાદ પાકિસ્તાનીઓ એકદમ નિરાશ દેખાયા હતા, જેમાં અભિનેત્રી સેહર શિનવારી પણ સામેલ હતી. હવે પાકિસ્તાની અભિનેત્રીએ ભારતીય ટીમને હરાવવા માટે બાંગ્લાદેશી ખેલાડીઓને મોટી ઓફર રજૂ કરી છે.
ટીમ ઈન્ડિયા ટૂર્નામેન્ટની આગામી એટલે કે ચોથી મેચ બાંગ્લાદેશ સામે ગુરુવાર 19 ઓક્ટોબરે પુણેના મહારાષ્ટ્ર ક્રિકેટ એસોસિએશન સ્ટેડિયમમાં રમશે. આ મેચ પહેલા પાકિસ્તાની અભિનેત્રીએ તેના દ્વારા બાંગ્લાદેશના ખેલાડીઓને ઓફર કરી હતી.
InshAllah my Bangali Bandu will avenge us in the next match. I will go to dhaka and have a fish dinner date with Bangali boy if their team managed to beat India ✌️❤️ 🇧🇩
— Sehar Shinwari (@SeharShinwari) October 15, 2023
ભારત સામે પાકિસ્તાનની હારના બીજા દિવસે (15 ઓક્ટોબર) પાકિસ્તાની અભિનેત્રીએ લખ્યું, “ઇન્શાલ્લાહ મારા બંગાળી મિત્રો આગામી મેચમાં અમારી પાસેથી બદલો લેશે. જો તેની ટીમ ભારતને હરાવવામાં સફળ થશે તો હું ઢાકા જઈશ અને હોટેલમાં એક બંગાળી છોકરા સાથે ફિશ ડિનર ડેટ કરીશ.
ટીમ ઈન્ડિયાએ જીતની હેટ્રિક લગાવી
તમને જણાવી દઈએ કે ટીમ ઈન્ડિયાએ વર્લ્ડ કપમાં પ્રથમ ત્રણેય મેચ જીતી છે. ભારતે ટૂર્નામેન્ટમાં ઓસ્ટ્રેલિયા સામે પોતાના અભિયાનની શરૂઆત કરી હતી. ચેન્નાઈમાં મેન ઇન બ્લુએ કાંગારૂ ટીમને 6 વિકેટે હરાવ્યું હતું. આ પછી દિલ્હીના અરુણ જેટલી સ્ટેડિયમમાં રમાયેલી બીજી મેચમાં ભારતે અફઘાનિસ્તાનને 8 વિકેટે હરાવ્યું હતું. ત્યારબાદ ત્રીજી મેચમાં ભારતે અમદાવાદના નરેન્દ્ર મોદી સ્ટેડિયમમાં પાકિસ્તાનને 7 વિકેટે હરાવ્યું હતું.
સરકારે ઓઈલ કંપનીઓને આપી દીધી મોટી રાહત, ટેક્સમાં આટલો ઘટાડો કર્યો, હવે પેટ્રોલ ડીઝલ સસ્તું થશે જ!
ગરમ કપડાં અને રેઈનકોર્ટ બન્ને કાઢી રાખજો, પારો જોરદાર નીચે ગગડશે, સાથે વરસાદને લઈ પણ ખતરનાક આગાહી
નોંધનીય છે કે ભારતે ત્રણેય મેચ રનનો પીછો કરીને જીતી છે. હવે ટીમે બાંગ્લાદેશ, ન્યુઝીલેન્ડ, ઈંગ્લેન્ડ, શ્રીલંકા, દક્ષિણ આફ્રિકા અને નેધરલેન્ડ સામે આગામી મેચ રમવાની છે.