સાનિયા મિર્ઝાથી છૂટાછેડા લેનાર શોએબ મલિક મુશ્કેલીમાં, ‘ફિક્સિંગ’ની શંકા, ફ્રેન્ચાઇઝીએ કરાર રદ કર્યો

Cricket News: બાંગ્લાદેશ પ્રીમિયર લીગની ટીમ ફોર્ચ્યુન બારિશલે “મેચ ફિક્સિંગ”ની શંકાના આધારે પાકિસ્તાનના ભૂતપૂર્વ કેપ્ટન શોએબ મલિકનો કરાર સમાપ્ત કર્યો છે. અંગત કારણોસર ફોર્ચ્યુન બરીશાલ સાથે ત્રણ મેચ રમીને મલિક તાજેતરમાં દુબઈ પરત ફર્યો હતો.  22 જાન્યુઆરીના રોજ, શેર-એ-બાંગ્લા સ્ટેડિયમમાં ફોર્ચ્યુન બરીશાલ અને ખુલના રાઇડર્સ વચ્ચેની મેચ દરમિયાન, શોએબ મલિકે સતત ત્રણ નો બોલ ફેંક્યા હતા અને શોએબ મલિક આને લઈને સવાલોના ઘેરામાં છે.

Shoaib Malik's BPL contract has been terminated over suspicion 'match fixing' case after his 3 No Balls.pic.twitter.com/8wdYKCZhEl

— Mufaddal Vohra (@mufaddal_vohra) January 26, 2024

પાવરપ્લેમાં બરીસાલના કેપ્ટન તમીમ ઈકબાલે શોએબ મલિકને બોલ્ડ કર્યો હતો. જો કે, શોએબ મલિક કેપ્ટનની અપેક્ષાઓ પર ખરો ઉતરી શક્યો ન હતો અને આશ્ચર્યજનક રીતે તેણે ઓવરમાં ત્રણ નો-બોલ ફેંક્યા અને કુલ 18 રન આપ્યા. પાકિસ્તાનના ઓલરાઉન્ડરની આ ઓવર પછી સવાલો ઉઠવા લાગ્યા હતા. આ પછી શોએબ મલિક તેની ખરાબ બોલિંગ અને શંકાસ્પદ નો-બોલના કારણે પ્રશંસકોના નિશાના પર બન્યો હતો.બાંગ્લાદેશી સ્પોર્ટ્સ પત્રકાર સૈયદ સામીએ ફોર્ચ્યુન બરીશાલ ટીમના માલિક મિઝાનુર રહેમાનને ટાંકીને દાવો કર્યો છે કે ફ્રેન્ચાઇઝીએ “ફિક્સિંગ”ની શંકાના આધારે શોએબ મલિકનો કરાર સમાપ્ત કર્યો છે.

🚨 BREAKING: Fortune Barisal has terminated the contract of Shoaib Malik on the suspicion of "fixing". During a recent match, Malik, who is a spinner, bowled three no balls in one over. Mizanur Rahman, the team owner of Fortune Barishal, has confirmed the news. #BPL2024 pic.twitter.com/wOh6yE6hoT

— Syed Sami (@MrSyedSami) January 26, 2024

પાકિસ્તાનના ભૂતપૂર્વ કેપ્ટને બાંગ્લાદેશ પ્રીમિયર લીગમાં વધુ નહીં રમવાનો નિર્ણય લીધો હતો. ફ્રેન્ચાઇઝીએ ગુરુવારે જ તેની પુષ્ટિ કરી હતી. એક સત્તાવાર નિવેદનમાં, ફોર્ચ્યુન બરીશાલે પુષ્ટિ કરી કે મલિક વ્યક્તિગત કારણોસર દુબઈ ગયા પછી બાકીની BPL મેચો ચૂકી જશે. શોએબ મલિકે ઢાકાના પ્રથમ તબક્કામાં બરીસાલની તમામ મેચોમાં ભાગ લીધો હતો, પરંતુ તેનું પ્રદર્શન નિરાશાજનક રહ્યું હતું. ફ્રેન્ચાઇઝીએ પુષ્ટિ કરી છે કે અહેમદ શહેઝાદ તેનું સ્થાન લેશે.

આજે જ લાભ લઈ લો… સોના અને ચાંદીના ભાવમાં ધરખમ ઘટાડો, જાણો તમારા શહેરમાં કેટલો ભાવ છે?

પદ્મ પુરસ્કારોને લઈ સરકારે કરી જાહેરાત, 6 ગુજરાતીઓને મળશે પદ્મ સન્માન, ગુજરાતના ડૉ. તેજસ પટેલને પદ્મભૂષણ, જુઓ લિસ્ટ

Breaking News: મમતા-ભગવંત માન બાદ નીતિશ કુમારની પણ કોંગ્રેસ પર નજર, નહીં જોડાય રાહુલ ગાંધીની ભારત ન્યાય યાત્રા, જાણો કારણ

શોએબ મલિકે ગયા અઠવાડિયે બાંગ્લાદેશ પ્રીમિયર લીગમાં જ એક મોટી સિદ્ધિ હાંસલ કરી હતી. મલિક T20 ક્રિકેટમાં 13,000 રન બનાવનાર પ્રથમ એશિયન અને એકંદરે બીજો ખેલાડી બન્યો. તેણે આ સિદ્ધિ રંગપુર રાઈડર્સ સામેની મેચ દરમિયાન હાંસલ કરી હતી. તમને જણાવી દઈએ કે, શોએબ મલિક તાજેતરમાં જ પાકિસ્તાની અભિનેત્રી સના જાવેદ સાથેના લગ્નને લઈને ચર્ચામાં હતો. શોએબ મલિકાએ સાનિયા મિર્ઝાને છૂટાછેડા આપીને સના સાથે લગ્ન કર્યા.