Cricket News: વિરાટ કોહલીના કરોડો ચાહકો હાલમાં ટેન્શનમાં છે. કારણ કે કોહલી વિશે એક સમાચાર સામે આવતા જ બધા ચાહકો ચિંતીત થઈ ગયા છે. ભલે ગમે તે ફોર્મેટ હોય. વિરાટે દરેક ફોર્મેટમાં રેકોર્ડબ્રેક ઇનિંગ્સ રમી છે. હવે ટીમનું ધ્યાન જૂનમાં શરૂ થનારા ટી-20 વર્લ્ડ કપ 2024 પર છે અને વિરાટ કોહલીના વર્લ્ડ કપ ટીમમાંથી બહાર હોવાના સમાચાર સામે આવી રહ્યા છે.
એક રિપોર્ટમાં કહેવામાં આવ્યું છે કે કોહલી યુએસએની પીચો પર ટીમ ઈન્ડિયા માટે અસરકારક સાબિત નહીં થાય, જેના કારણે તેને વર્લ્ડ કપની ટીમમાંથી બહાર કરવામાં આવી શકે છે. પરંતુ ટીમ ઈન્ડિયાના પૂર્વ દિગ્ગજ ક્રિકેટર હરભજન સિંહે આવા સમાચાર પર પૂર્ણવિરામ મુકી દીધું છે અને મોટી ભવિષ્યવાણી પણ કરી દીધી છે.
કોહલીના કમબેક પર ભજ્જીનું નિવેદન
હરભજન સિંહે વિરાટ કોહલીના કમબેક અંગે ચર્ચા કરી હતી. તેણે કહ્યું, ‘જ્યારે વિરાટ કોહલી મેદાન પર પાછો ફરશે, ત્યારે તમે તેનામાં ખૂબ જ એનર્જી જોશો. કોહલી 10 વર્ષ પહેલા રમતો એવી જ સ્ટાઈલમાં જોવા મળશે. હું જાણું છું કે વિરાટને ક્રિકેટ સૌથી વધુ પ્રિય છે.
જો કે તેનાથી આગળ તેનો પરિવાર છે. તેણે પોતાના પરિવારને સમય આપ્યો. તેઓ ટી-20 વર્લ્ડ કપમાં કંઈક શાનદાર પ્રદર્શન કરવાનો છે. તે શાનદાર ફોર્મમાં આવીને વર્લ્ડ કપ જીતાડી પણ શકે છે. કોહલી તાજેતરમાં ક્રિકેટ રમ્યો નથી પરંતુ તેનું કમબેક હંમેશા શાનદાર રહ્યું છે. આશા છે કે તે કંઈક મોટું લઈને આવશે અને દેશને આનંદ અપાવશે.
આરસીબીના ચાહકો લાંબા સમયથી રાહ જોઈ રહ્યા હતા
હરભજને IPL 2024 અંગે પણ પોતાની પ્રતિક્રિયા આપી હતી. તેણે કહ્યું, ‘RCBના ચાહકો કોહલીના પુનરાગમનની અપેક્ષા રાખતા હશે. તે લાંબા સમયથી ટ્રોફીની રાહ જોઈ રહ્યા હતા. ભારત પણ ટ્રોફીની રાહ જોઈ રહ્યું છે. જૂનમાં ટી20 વર્લ્ડ કપ યોજાશે, એવી આશા છે કે ભારત આ વખતે લોકોની આશા પુરી કરશે. રોહિત, વિરાટ અને અન્ય ખેલાડીઓ મહેનત કરીને ટ્રોફી આપણા ભારતને અપાવશે.
કોંગ્રેસ અને ગઠબંધન શોભાના ગાંઠિયા સમાન રહી ગયા, બધા જ સર્વેમાં ભાજપે જીતનો પરચમ લહેરાવ્યો!
વિરાટ લાંબા બ્રેક પર રહ્યો
વિરાટ કોહલીએ હાલમાં જ લાંબો બ્રેક લીધો હતો. તેઓ બીજી વખત પિતા બન્યા, તેમની પત્ની અનુષ્કા શર્માએ પુત્ર અકાયને જન્મ આપ્યો. વિરાટે ઈંગ્લેન્ડ સામેની શ્રેણીમાંથી પોતાનું નામ પાછું ખેંચી લીધું હતું. જાન્યુઆરીમાં તેણે અફઘાનિસ્તાન સામે બે T20 મેચ રમી હતી. હવે જોવાનું એ રહે છે કે 22 માર્ચે IPLની પ્રથમ મેચમાં વિરાટ વાપસી કરે છે કે નહીં.