એક્ટ્રેસ કાવ્યા થાપરની જુહૂ પોલીસે ધરપકડ કરી છે અને પછી તેને જ્યુડિશિયલ કસ્ટડીમાં મોકલાઈ છે. મુંબઈમાં જન્મેલી એક્ટ્રેસ કાવ્યા થાપર પર આરોપ છે કે તેણે નશામાં ધૂત થતાં ગાડી ચલાવી અને પોલીસ સાથે મારામારી કરી તેમજ અભદ્ર ભાષાનો પ્રયોગ કર્યો. આ સિવાય તેની કારથી એક શખસ ઈજાગ્રસ્ત થયો હોવાની વાત પણ સામે આવી છે. ટિ્વટમાં કાવ્યા થાપર વિરુદ્ધ જુહૂ પોલીસનું નિવેદન છે. મુંબઈની આ ઘટના સંબંધિત ટિ્વટમાં જણાવાયું કે, એક્ટ્રેસ કાવ્યા થાપરની કાલે ધરપકડ કરવામાં આવી અને તેને જ્યુડિશિયલ કસ્ટડીમાં મોકલાઈ છે.
તેના પર નશામાં ધૂત થઈને ગાડી ચલાવવા અને એક શખસને ટક્કર મારીને ઈજાગ્રસ્ત કર્યા હોવાના આરોપ છે. ત્યારબાદ તેના પર પોલીસની સાથે મારામારી અને અભદ્ર ભાષાનો પ્રયોગ કર્યો હોવાનો પણ આરોપ છે- જુહૂ પોલીસ. કાવ્યા થાપર મહારાષ્ટ્રમાં જન્મી છે અને ઘણી સાઉથ ઈન્ડિયન ફિલ્મોમાં જાેવા મળી છે. તમિલ અને તેલુગુની કેટલીક ફિલ્મોમાં જાેવા મળેલી કાવ્યા થાપરે પોતાનું શાળાકીય શિક્ષણ મુંબઈમાં લીધું અને પછી મુંબઈની ઠાકુર કોલેજ ઓફ સાયન્સ એન્ડ કોમર્સમાં એડમિશન લીધું.
કાવ્યા થાપરની પહેલી ફિલ્મ એક હિન્દી શૉર્ટ ફિલ્મ ‘તત્કાલ’ હતી. ત્યારબાદ તેણે તમિલ અને તેલુગુ ભાષાની ફિલ્મોમાં કામ કર્યું. એક્ટ્રેસ કાવ્યા થાપરનો જન્મ તારીખ ૨૦ ઓગસ્ટ, ૧૯૯૫ના દિવસે મહારાષ્ટ્રમાં થયો, આજે તે ૨૬ વર્ષની છે. તેણે ફિલ્મોમાં એક્ટિંગની સાથે-સાથે એડવર્ટાઈઝિંગમાં પણ કામ કર્યું છે. તેણે જે ફિલ્મોમાં કામ કર્યું છે તેમાં તેલુગુ ફિલ્મ એક મિનિ કથા અને તમિલ ફિલ્મ માર્કેટ રાજા એમબીબીએસ સામેલ છે. હાલ તે એક્ટર વિજય એન્ટની સ્ટારર ફિલ્મમાં કાર્યરત છે.