Bollywood News: સાઉથનો લોકપ્રિય અભિનેતા અલ્લુ અર્જુન ટૂંક સમયમાં ‘પુષ્પા 2’ દ્વારા ચાહકોનું મનોરંજન કરવા જઈ રહ્યો છે. પહેલા ભાગની સફળતા બાદ હવે આ ફિલ્મ પાસેથી ચાહકોની અપેક્ષાઓ ઘણી વધી ગઈ છે. આવી સ્થિતિમાં, ચાહકોની અપેક્ષાઓ પર ખરા ઉતરવાનો બોજ અભિનેતાના ખભા પર વધી રહ્યો છે. પરંતુ દરેકને અમુક અંશે વિશ્વાસ છે કે અભિનેતા તેમને નિરાશ નહીં કરે. દરમિયાન હવે અલ્લુ અર્જુનના ચાહકો માટે વધુ એક અપડેટ સામે આવ્યું છે. કહેવામાં આવી રહ્યું છે કે અભિનેતાએ અચાનક પોતાની ફી વધારી દીધી છે.
અલ્લુ અર્જુને ફીમાં 30% વધારાની માંગ કરી?
હવે તે એક ફિલ્મ માટે આટલી મોટી રકમ લેવા જઈ રહ્યો છે, જેના વિશે સાંભળીને તમારા હાજા ગગડી જશે. મીડિયા રિપોર્ટ્સમાં દાવો કરવામાં આવ્યો છે કે હવે અભિનેતાએ તેની ફીમાં 30 ટકા વધારો કરવાની માંગ કરી છે. હવે તેની એક ફિલ્મની ફી એટલી વધી જશે કે બોલિવૂડની મોટાભાગની ફિલ્મો બોક્સ ઓફિસ પર કમાણી પણ કરી શકી નથી. આવી સ્થિતિમાં, હવે જો નિર્માતા અલ્લુ અર્જુનને ફિલ્મમાં કાસ્ટ કરવા માંગે છે, તો તેઓએ પહેલા તેમના ખિસ્સા ખાલી કરવા પડશે. હવે તેઓ આટલી સરળતાથી કોઈના હાથમાં નહીં આવે. જો પ્રોડ્યુસર્સ તેને ફિલ્મનો હિસ્સો બનાવવા માગે છે, તો તેમણે ઘણા પૈસા ખર્ચવા પડશે.
કલાકારોએ અગાઉ કેટલા કરોડ રૂપિયા લીધા હતા?
જો મીડિયા રિપોર્ટ્સનું માનીએ તો ‘પુષ્પા’ એક્ટરની અત્યારે ખૂબ જ ડિમાન્ડ છે. દરેક વ્યક્તિ તેની સાથે કામ કરવા માંગે છે. તે જ સમયે પુષ્પા-2 તેની રિલીઝ પહેલા જ કરોડો રૂપિયાની કમાણી કરી ચૂકી છે. આ ફિલ્મની સ્ટ્રીમિંગ પ્લેટફોર્મ સાથે 275 કરોડ રૂપિયાની ડીલ થઈ છે. આવી સ્થિતિમાં ફિલ્મ બ્લોકબસ્ટર હિટ થવાની ખાતરી છે. હવે લાગે છે કે આ સફળતા જોઈને અલ્લુ અર્જુન ફીમાં 30 ટકા વધારાની માંગ કરી રહ્યો છે. રિપોર્ટ્સ અનુસાર અત્યાર સુધી અભિનેતા એક ફિલ્મ માટે લગભગ 100 કરોડ રૂપિયાની ફી લેતો હતો.
પત્નીની સંપત્તિ પર પતિનો કોઈ જ અધિકાર નથી… ‘સ્ત્રીધન’ પર સુપ્રીમ કોર્ટની 5 વાતો તમારે જાણવી જોઈએ
WhatsApp એ કહ્યું ‘ તો અમે ભારત છોડીને ચાલ્યા જઈશું’, સરકારી નિયમોમાં કહેવામાં આવ્યું છે આવું-આવું!
બધા સવાલોનું સુરસુરિયું: EVM દ્વારા જ થશે મતદાન, સુપ્રીમ કોર્ટે બધી અરજીઓ ફગાવી દીધી
આલુ અર્જુનની ફી સાંભળીને મેકર્સનું બજેટ હલી જશે
મીડિયા રિપોર્ટ્સ કહે છે કે પહેલા અલ્લુ અર્જુન ફિલ્મ માટે 100 કરોડ રૂપિયા લેતો હતો પરંતુ હવે આ રકમ વધીને 150 કરોડ રૂપિયા થઈ ગઈ છે. જો કે હજુ સુધી આ સમાચારને સમર્થન મળ્યું નથી. પરંતુ આજકાલ સાઉથના કલાકારો જે રીતે ફિલ્મની ફી વસૂલી રહ્યા છે તે જોતા આ રકમ એટલી ચોંકાવનારી નથી લાગતી. આ દિવસોમાં સાઉથના કલાકારોની ફીની રકમ ઘણી ફિલ્મોના બજેટને હલાવી દેતી જોવા મળે છે. હવે ફિલ્મનું બજેટ અભિનેતાની ફી જોઈને જ નક્કી કરવામાં આવી રહ્યું છે.