Salaar Vs Gadar 2: પ્રશાંત નીલ દ્વારા નિર્દેશિત અને પ્રભાસ સ્ટારર ‘Salaar’ એ દેશ અને સમગ્ર વિશ્વમાં શાનદાર પ્રદર્શન કર્યું છે અને મોટી રકમની કમાણી પણ કરી છે. આ ફિલ્મ અત્યાર સુધીની સૌથી વધુ કમાણી કરનાર સાઉથની ફિલ્મોમાંની એક બની ગઈ છે.
જો કે ફિલ્મની કમાણીનો ગ્રાફ તેની રિલીઝના ત્રીજા સપ્તાહમાં નોંધપાત્ર રીતે ઘટી ગયો છે, પરંતુ ‘Salaar’એ તેની રિલીઝના 18મા દિવસે સની દેઓલની બ્લોકબસ્ટર ફિલ્મ ‘ગદર 2’નો વિશ્વવ્યાપી રેકોર્ડ તોડી નાખ્યો છે.
18મા દિવસે ‘સાલારે’ આ ફિલ્મોને માત આપી
પ્રભાસ અને પૃથ્વીરાજ સુકુમારન સ્ટારર ફિલ્મ ‘Salaar’ વર્ષ 2023ની સૌથી વધુ કમાણી કરનારી ફિલ્મોની યાદીમાં સામેલ થઈ ગઈ છે. આ ફિલ્મનું નેટ ડોમેસ્ટિક બોક્સ ઓફિસ કલેક્શન 395.5 કરોડ રૂપિયા છે.
આ સાથે, આ ફિલ્મ જેમ્સ કેમરનની અવતારઃ ધ વે ઓફ વોટર રૂ. 391.4 કરોડ અને આમિર ખાનની દંગલ રૂ. 387.38 કરોડને પાછળ છોડીને ભારતમાં સૌથી વધુ કમાણી કરનારી ટોચની 10 ફિલ્મોની યાદીમાં સામેલ થઈ ગઈ છે.
18માં દિવસે ‘ગદર 2’નો તોડ્યો રેકોર્ડ
વિશ્વવ્યાપી, પ્રભાસની ફિલ્મે તેની રિલીઝના 18મા દિવસે 687.51 કરોડ રૂપિયાની કમાણી સાથે સની દેઓલની 2023ની બ્લોકબસ્ટર ‘ગદર 2’ને પાછળ છોડી દીધી છે. તમને જણાવી દઈએ કે ‘ગદર 2’ એ વિશ્વભરમાં 686 કરોડ રૂપિયાની કમાણી કરી હતી.
જો કે, ‘Salaar’ માટે 2018માં રિલીઝ થયેલી રજનીકાંતની 2.0 407 કરોડને વટાવી મુશ્કેલ હશે કારણ કે આ અઠવાડિયે ઘણી નવી ફિલ્મો રિલીઝ થઈ રહી છે.
‘સાલાર’ની કમાણીમાં અવરોધ બનશે આ આગામી ફિલ્મો
પ્રભાસની ‘સાલાર’ બોક્સ ઓફિસ પર ત્રણ અઠવાડિયાથી રાજ કરી રહી છે. આ ફિલ્મે તો શાહરૂખ ખાનની ‘ડિંકી’ને પણ માત આપી દીધી છે પરંતુ હવે લાગે છે કે ‘સાલાર’ માટે આગળનો રસ્તો મુશ્કેલ બની જશે.
Cricket: ભૂતપૂર્વ ક્રિકેટરનો દાવો, તેના દરેક સાથી ખેલાડીઓ છે દારૂના નશેડી, રોજ પીને કરે છે આ હરકત
ખરેખર, આ સંક્રાંતિ પર ઘણી નવી ફિલ્મો રિલીઝ થઈ રહી છે. જેમાં મહેશ બાબુની ‘ગુંટુર કરમ’, વેંકટેશની ‘સૈંધવ’, પ્રશાંત વર્માની ‘હનુમાન’ અને રવિ તેજાની ‘ઈગલ’નો સમાવેશ થાય છે. ફિલ્મના ઘણા વિકલ્પો વચ્ચે બોક્સ ઓફિસ પર મજબૂત રહેવું ‘સાલર’ માટે એક મોટો પડકાર હશે. હવે જોવાનું એ રહે છે કે ‘સાલર’ કેટલું કલેક્શન કરી શકશે.