જાણીતી કૉમેડિયન ભારતી સિંહ અને હર્ષ લિંબાચિયા હવે માતા-પિતા બની ગયા છે. કૉમેડિયન ભારતી સિંહે આજે દીકરાને જન્મ આપ્યો છે. પતિ હર્ષ લિંબાચિયાએ સોશિયલ મીડિયા પર પોસ્ટ શેર કરતા લખ્યું કે દીકરા આવ્યો. લાફ્ટર ક્વીન ભારતી સિંહ માતા બની ગઈ છે. તેણે દીકરાને જન્મ આપ્યો છે. ભારતી અને હર્ષે એક પોસ્ટ શેર કરતા લખ્યું કે ‘દીકરો થયો છે’. સાથે જ આ કપલે પ્રેગ્નેન્સી ફોટોશૂટનો એક ફોટોગ્રાફ શેર કર્યો છે.
ભારતી સિંહે કે જેણે હર્ષ લિંબાચિયા સાથે ૨૦૧૭માં લગ્ન કર્યા હતા, તેઓ સાથે રિયાલિટી શો હોસ્ટ કરવા દરમિયાન માતા-પિતા બનવા અંગે ઘણીવાર મજાક કરતા હતા. ડેડ-ટુ-બી કેટલો ઉત્સાહિત છે? તેમ પૂછવા પર ભારતી સિંહે કહ્યું ‘હું સ્ટેજ પર ઘણીવાર મજાકમાં તેને પૂછતી હતી કે, મને મમ્મી ક્યારે બનાવીશ, ક્યારે પપ્પા બનીશ?.
હકીકતમાં, ડાન્સ દીવાનેના શૂટિંગ દરમિયાન જ્યારે અમને પ્રેગ્નેન્સી વિશે જાણ થઈ ત્યારે પણ દરેક મજાક કરતા હતા. હું માત્ર હસતી હતી અને વિચારતી હતી કે, શું કહું બધાને કે હું પહેલાથી પ્રેગ્નેન્ટ છું. મેં જ્યારે હર્ષને ન્યૂઝ આપ્યા ત્યારે તેની આંખમાં આંસુ આવી ગયા હતા. તેને બાળકો ગમે છે. મારા કરતાં આ બાળકની મા હર્ષ વધારે છે’, તેમ તેણે કહ્યું.
ભારતીએ ઉમેર્યું ‘નવા તબક્કાને લઈને હર્ષ ઉત્સાહિત છે. મને મૂડ સ્વિંગ, મોર્નિંગ સિકનેસ થઈ રહી છે પરંતુ હર્ષ મને લાડ લડાવી રહ્યો છે અને મારી વધારે કાળજી રાખી રહ્યો છે. આ સુંદર અને પડકારજનક તબક્કો છે’. ભારતી સિંહ અગાઉ વેઈટ લોસને લઈને ન્યૂઝમાં આવી હતી.
તેણે ૧૫ કિલો વજન ઉતાર્યું હતું. શું વેઈટ લોસ એ પ્રેગ્નેન્સી તરફનું પહેલું પગલું હતું તેમ પૂછતાં તેણે કહ્યું ‘મહામારી દરમિયાન મને અહેસાસ થયો હતો કે મારે ફિટ અને હેલ્ધી થવું છે. મને અસ્થમા છે. તેથી મેં મારા પર કામ કરવાનું નક્કી કર્યું હતું. બાળક એ ભગવાનની ગિફ્ટ છે અને આ તેમના આશીર્વાદ છે. હું કાલ સુધી બાળકી હતી, લોકો સાથે ફ્લર્ટ કરતી હતી અને હવે આ બધું ખતમ થઈ જશે.