Suhana Khan Video : બોલિવૂડ અભિનેતા શાહરૂખ ખાનની (Shahrukh Khan) લાડલી સુહાના ખાન (Suhana Khan) હંમેશા તેની સ્ટાઇલ અને ડ્રેસિંગ સેન્સને કારણે હેડલાઇન્સમાં રહે છે. સુહાના આજકાલ પાપારાઝીની પણ ફેવરિટ છે. એ જ્યાં પણ જાય છે ત્યાં પાપારાઝી એને પોતાના કૅમેરામાં કેદ કરવા પહોંચી જાય છે. આ દરમિયાન સુહાનાનો એક લેટેસ્ટ વીડિયો ચર્ચામાં રહે છે. આ વીડિયો સામે આવતા જ લોકો તેની ઉદારતાના વખાણ કરી રહ્યા છે.
બુક લોન્ચ ઇવેન્ટમાં માતા ગૌરી ખાન સાથે શાહરૂખ ખાન
વાસ્તવમાં સુહાના ગઈકાલે રાત્રે તેની માતા ગૌરી ખાન (Gauri Khan) સાથે પહોંચી હતી. આ સમય દરમિયાન માતા-પુત્રીની સ્ટાઇલ જોવા લાયક જ હતી. બંને લુકમાં એકબીજા સાથે સ્પર્ધા કરતા જોવા મળ્યા હતા. આ દરમિયાન સુહાનાએ બ્લેક કલરનો હોટ ડીપ નેક વનપીસ ડ્રેસ પહેર્યો હતો. આ સાથે જ ગૌરી ખાન બ્લૂ ડેનિમ અને વ્હાઇટ ટોપવાળા યલો બ્લેઝરમાં સુંદર લાગી રહી હતી. બંનેનો લુક ફેન્સ વચ્ચે ખૂબ પસંદ કરવામાં આવી રહ્યો છે.
View this post on Instagram
સુહાનાએ પૈસા માંગતા મહિલા સાથે આવું વર્તન કર્યું
સુહાના ખાનના વાયરલ વીડિયોમાં તમે જોઈ શકો છો કે એક મહિલા તેની પાસે પૈસા માંગવા આવે છે. આવી સ્થિતિમાં સુહાનાએ હસીને તેને પાંચસો રૂપિયા આપ્યા અને તેને પોતાનાથી દૂર જવા માટે કહ્યું નહીં. એક વાર પૈસા મળ્યા પછી જ્યારે મહિલા ફરીથી સુહાના પાસે આવી તો તેણે ફરી તેને પૈસા આપીને પોતાની કારમાં બેસી ગઈ. પૈસા મળતા જ મહિલા ખુશીથી કૂદવા લાગી હતી. સોશિયલ મીડિયા પર સુહાના ખાનની આ ઉદારતાના લોકો વખાણ કરી રહ્યા છે. એક યુઝરે કમેન્ટ કરી હતી કે, ‘તેમનું દિલ સોનાનું છે. સાથે જ અન્ય એક યુઝર લખે છે કે, ‘આ કેટલું સ્વીટ છે. એકે લખ્યું, “પપ્પાની જેમ જ, દીકરી.” ‘
ફરીથી આકાશમાંથી તોફાન વરસશે, 15 ઓગસ્ટ સુધી ગુજરાત સહિત દેશના ઘણા રાજ્યોમાં ભારે વરસાદનું એલર્ટ
આ ફિલ્મથી ડેબ્યૂ કરવા જઈ રહી છે
સુહાના ખાન ટૂંક સમયમાં ઝોયા અખ્તરની ફિલ્મ ધ આર્ચીઝથી ડેબ્યૂ કરવા જઈ રહી છે. આ ફિલ્મમાં સુહાના ખાનની સાથે શ્રીદેવીની નાની દીકરી ખુશી કપૂર, અમિતાભ બચ્ચનના પૌત્ર અગસ્ત્ય નંદા, મિહિર આહુજા, વેદાંગ રૈના અને યુવરાજ મેંડા મહત્વની ભૂમિકામાં છે. આ ફિલ્મ 1960ના દાયકાની લોકપ્રિય અમેરિકન કોમિક બુક આર્ચીઝ કોમિક્સનું ભારતીય રૂપાંતરણ છે.