ઇન્સ્ટાગ્રામ એ લોકો માટે મનોરંજનનું સાધન છે. લોકો તેમની તસવીરો પોસ્ટ કરે છે. સ્ટોરી પોસ્ટ કરીને, મિત્રો અને પ્રિયજનોને લોકો જીવનની હાઇલાઇટ્સ બતાવે છે. ઇન્સ્ટાગ્રામ પર તમારી મનપસંદ હસ્તીઓની તસવીરોનો પણ આનંદ લો. પરંતુ શું તમે જાણો છો કે ઇન્સ્ટાગ્રામ સેલિબ્રિટીઝની આવકનો મોટો સ્ત્રોત છે. ઇન્સ્ટાગ્રામ પર ફોટો પોસ્ટ કરવાના બદલામાં બોલિવૂડ સુંદરીઓ કરોડો રૂપિયા કમાય છે. વર્ષ 2021માં આઇ હોપર HQના રિપોર્ટ અનુસાર, પ્રિયંકા ચોપરા ઇન્સ્ટાગ્રામ પર પોસ્ટ કરવા માટે 3 કરોડ રૂપિયા ચાર્જ કરે છે. હા, દરેક પોસ્ટ માટે ત્રણ કરોડ રૂપિયા. આટલું જ નહીં બોલિવૂડની અન્ય હિરોઈન પણ ઈન્સ્ટાગ્રામ પરથી ઘણી કમાણી કરી રહી છે.
પ્રિયંકા ચોપરાઃ
પ્રિયંકા ચોપરા બોલિવૂડની સૌથી સફળ અભિનેત્રીઓમાંની એક છે. બોલિવૂડથી લઈને હોલિવૂડની ફિલ્મોમાં પહેલા નાની ભૂમિકાઓ ભજવનાર અને પછી લીડ બની ગયેલી પ્રિયંકાએ સફળતાનો દાખલો બેસાડ્યો છે. પ્રિયંકા ચોપરા હવે ગ્લોબલ સેલિબ્રિટી બની ગઈ છે. પ્રિયંકા ચોપરાએ ઘણી હોલીવુડ ફિલ્મોમાં મહત્વની ભૂમિકા ભજવી છે. પ્રિયંકા ચોપરા તેની ફિલ્મ માટે પણ તગડી રકમ લે છે. તે જ સમયે, ઇન્સ્ટાગ્રામની દરેક પોસ્ટ પ્રિયંકા ચોપરાને કરોડપતિ પણ બનાવે છે. પ્રિયંકા ઇન્સ્ટાગ્રામ પર પોસ્ટ કરવા માટે 3 કરોડ રૂપિયા લે છે. UK-સ્થિત કંપની Hopper HQના 2021ના અહેવાલ મુજબ, પ્રિયંકા પ્રત્યેક પોસ્ટ માટે 3 કરોડ રૂપિયા ચાર્જ કરે છે. પ્રિયંકાને ઈન્સ્ટાગ્રામ પર 79.2 મિલિયન લોકો ફોલો કરે છે.
દીપિકા પાદુકોણઃ
દીપિકા પાદુકોણ પણ બોલિવૂડની મોટી સેલિબ્રિટી છે. પ્રિયંકાની જેમ દીપિકા પાદુકોણે પણ ઘણી હોલીવુડ ફિલ્મોમાં સશક્ત પાત્રો ભજવ્યા છે. દીપિકા પાદુકોણનું નામ પણ ગ્લોબલ સેલિબ્રિટીમાં ગણવામાં આવે છે. આ વર્ષે કતારમાં આયોજિત ફિફા વર્લ્ડ કપની ફાઇનલ મેચની ટ્રોફીના અનાવરણ માટે દીપિકા પાદુકોણને પણ આમંત્રણ આપવામાં આવ્યું હતું. દીપિકા પાદુકોણ પણ ઈન્સ્ટાગ્રામ પર દરેક પોસ્ટ માટે તગડી રકમ લે છે. 2021માં Hopper HQના રિપોર્ટ અનુસાર, દીપિકા દરેક પોસ્ટ માટે 1.5 કરોડ રૂપિયા લે છે.
આલિયા ભટ્ટઃ
આલિયા ભટ્ટે પણ 10 વર્ષની કારકિર્દીમાં એક ખાસ માઈલસ્ટોનને સ્પર્શ કર્યો છે. વર્ષ 2012માં રિલીઝ થયેલી ફિલ્મ સ્ટુડન્ટ ઑફ ધ યરથી ડેબ્યૂ કરનાર આલિયા ગયા વર્ષે માતા બની હતી. હવે આલિયા ભટ્ટ પણ ફિલ્મી દુનિયાની મોટી સ્ટાર બની ગઈ છે. આલિયા ભટ્ટ પણ ઈન્સ્ટાગ્રામ દ્વારા ઘણી કમાણી કરે છે. આલિયા ભટ્ટ ઇન્સ્ટાગ્રામ પર દરેક પોસ્ટ માટે 1 લાખ રૂપિયા ચાર્જ કરે છે. આલિયાને 66.2 મિલિયન લોકો ફોલો કરે છે.
કેટરિના કૈફઃ
બોલિવૂડ એક્ટ્રેસ કેટરિના કૈફ પણ સુપરસ્ટાર છે. કેટરીના કૈફ પણ ઈન્સ્ટાગ્રામ પર દરેક પોસ્ટ માટે 97 લાખ રૂપિયા લે છે. કેટરીનાની પણ મજબૂત ફેન ફોલોઈંગ છે. ઈન્સ્ટાગ્રામ પર કેટરિના કૈફને લગભગ 7.910 મિલિયન લોકો ફોલો કરે છે. કેટરીના કૈફે ભલે હોલિવૂડની ફિલ્મોમાં કામ ન કર્યું હોય, પરંતુ તેનું નામ બોલિવૂડ દિવાઓની યાદીમાં પ્રથમ આવે છે.
કરીના કપૂર:
બોલીવુડ અભિનેત્રી કરીના કપૂર પણ ઇન્સ્ટાગ્રામ પર પોસ્ટ કરવા માટે 1-2 કરોડ રૂપિયા સુધી ચાર્જ કરે છે. ઈન્સ્ટાગ્રામ પર કરીના કપૂરને 10 મિલિયન લોકો ફોલો કરે છે. કરીના કપૂરે વર્ષ 2012માં સૈફ અલી ખાન સાથે લગ્ન કર્યા હતા. કરીના કપૂરને પણ બે પુત્રો તૈમૂર અને જેહ છે. લગ્ન કર્યા પછી પણ કરીના કપૂર માટે લાખો દિલો ધડકે છે.