Bollywood News: સાઉથના સુપરસ્ટાર અલ્લુ અર્જુનની ‘પુષ્પા 2: ધ રૂલ’ સૌથી વધુ રાહ જોવાતી ફિલ્મોમાંથી એક છે, જેના ચાહકો તેની રિલીઝની આતુરતાથી રાહ જોઈ રહ્યા છે. નિર્માતાઓ આ ફિલ્મને પહેલા ભાગ એટલે કે ‘પુષ્પા ધ રાઇઝ’ કરતાં વધુ રસપ્રદ અને રોમાંચક બનાવવાનો પ્રયાસ કરી રહ્યા છે. હવે સમાચાર આવી રહ્યા છે કે બોલિવૂડનો એક પાવરફુલ એક્ટર અલ્લુ અર્જુનની ફિલ્મ ‘પુષ્પા 2: ધ રૂલ’માં એન્ટ્રી કરવા જઈ રહ્યો છે. નિર્માતાઓએ નામ પણ નક્કી કરી લીધું છે.
અહેવાલ મુજબ બોલિવૂડના પ્રખ્યાત અભિનેતા સંજય દત્ત ‘પુષ્પા 2’માં કેમિયો કરી શકે છે. આમાં તેને મહત્વની ભૂમિકા મળી શકે છે. જોકે, મેકર્સે હજુ સુધી આ બાબતે કોઈ સત્તાવાર માહિતી આપી નથી. થોડા સમય પહેલા એક અહેવાલમાં જણાવ્યું હતું કે નિર્દેશક સુકુમારે ‘પુષ્પા 2’ માટે બોલિવૂડના એ-લિસ્ટર અભિનેતાને કાસ્ટ કરવાનો નિર્ણય લીધો છે. શક્ય છે કે મેકર્સે સંજય દત્તના નામને મંજૂરી આપી દીધી હોય.
પહેલા એવા સમાચાર હતા કે મનોજ બાજપેયીને ‘પુષ્પા 2’ ઓફર કરવામાં આવી છે, પરંતુ જ્યારે અભિનેતા સાથે આ વિશે વાત કરી તો તેણે કહ્યું કે આ ખોટું છે. આમાં કોઈ સત્ય નથી. અલ્લુ અર્જુનની ‘પુષ્પાઃ ધ રાઈઝ’ વર્ષ 2021માં રિલીઝ થઈ હતી, જેનું લેખન અને નિર્દેશન સુકુમાર દ્વારા કરવામાં આવ્યું હતું. આ ફિલ્મે કમાણી મામલે બોક્સ ઓફિસ પર સુનામી સર્જી હતી. ‘પુષ્પાઃ ધ રાઇઝ’માં અલ્લુ અર્જુન સાથે રશ્મિકા મંદાન્નાની જોડી લોકપ્રિય હતી. ફિલ્મના ગીતો પણ ખૂબ લોકપ્રિય થયા હતા.
જો કોઈ એવું વિચારે કે ભારત તેના વિના જીતી શકતું નથી તો… ગાવસ્કરે કોહલીને મરચા લાગે એવી વાત કરી
આ દિવસોમાં ‘પુષ્પા 2’નું શૂટિંગ ચાલી રહ્યું છે. નવેમ્બર 2023માં, અલ્લુ અર્જુનની ખરાબ તબિયતને કારણે, શૂટિંગ થોડા અઠવાડિયા માટે બંધ કરવામાં આવ્યું હતું, પરંતુ પછી તે ફરીથી શરૂ થયું. ગયા વર્ષે ‘પુષ્પા 2: ધ રૂલ’માંથી અલ્લુ અર્જુનનો લુક શેર કરવામાં આવ્યો હતો, જેમાં તે સાડી પહેરીને અદભૂત લુકમાં જોવા મળ્યો હતો. આ સિવાય ફહદ ફાસીલનો લુક પણ સામે આવ્યો છે. હવે ચાહકો આ ફિલ્મમાંથી રશ્મિકા મંદાન્નાના લુકની રાહ જોઈ રહ્યા છે.