રાપર :વિશ્વ પ્રસિદ્ધ ધુડખર અભ્યારણ્ય વિસ્તારમાં ગેરકાયદેસર રીતે મીઠા ના અગરો બનાવી ધુડખર અભ્યારણ્યની જમીન પર કબજો જમાવી રહેલા ભુ માફિયાઓએ જાણે બિહાર હોય એ રીતે ધાતક હથિયારો સાથે જમીન પર કબજો જમાવવા માટે રણ વિસ્તારમાં જુથ અથડામણ બંદુક તલવારો અને અન્ય હથિયારો સાથેનો વિડિયો વાયરલ થયો છે.
આ ઘટના સામે આવતા જ કાયદાના રક્ષકોમા દોડધામ મચી ગઈ હતી. ત્યારે આ ઘટના અંગે સામખીયારી પોલીસે પગલાં લેવાની શરુઆત કરી હતી. ધુડખર અભયારણ્ય વિસ્તારમાં ગેરકાયદેસર રીતે બનાવવામાં આવેલ મીઠાના કારખાના બંધ કરાવવાની કાર્યવાહી ધુડખર અભયારણ્યના ધ્રાંગધા ડીએફઓ ધવલ ગઢવીના માર્ગદર્શન હેઠળ આડેસર ધુડખર અભ્યારણ્યના રેન્જ ફોરેસ્ટર ઓફીસર એસ. એસ. સારલાએ વન વિભાગના સ્ટાફ સાથે કરવામાં આવી રહી છે.
કાનમેર ફુલપરા સહિતના અભ્યારણ્ય વિસ્તારમાં આવેલા રણમા ગેરકાયદેસર રીતે માટીનો પાળો બનાવતા ખનીજ માફિયાઓને જોતા વધારાના સ્ટાફની જરૂર પડતાં ધ્રાંગધ્રા ડીવીઝનના તમામ ધટના સ્થળ પર બોલાવી દરોડો પાડવામા આવ્યો હતો.
ટ્રેકટર નંગ 17 મોટર સાયકલ નંગ 3 સાથે નવ વ્યક્તિઓની ધરપકડ કરી ગુનો નોંધવામાં આવ્યો છે. કુલ રુપિયા 77 લાખ 98000 નો મુદામાલ કબ્જે કર્યો હતો.
જેમાં સોલાર પ્લેટ નંગ 302 પાવર સપ્લાય તેમજ મોટર પંપ સહિત નો મુદામાલ કબ્જે કર્યો હતો. વન વિભાગ દ્વારા ધુડખર અભ્યારણ્ય વિસ્તારમાં સર્જીકલ સ્ટ્રાઇક કરતા ભુ માફિયાઓમા ફફડાટ વ્યાપી ગયો હતો.