Gujarat Rain News : જન્માષ્ટમીની સાંજથી રાજ્યમાં ઠેર ઠેર વરસાદ પડતાં લોકોના હૈયામાં ચોમાસાનો ચોથો રાઉન્ડ શરૂ થયો છે તેવી આશા બંધાઈ હતી, જોકે હવે વરસાદે હાથતાળી આપતાં છેલ્લા કેટલાક દિવસથી વરસાદ ગાયબ થયો છે, જોકે આવા નિરાશાના માહોલ વચ્ચે કેટલાક હવામાન નિષ્ણાતોએ (Weather experts) બંગાળની ખાડીમાં બનનારી સિસ્ટમ ગુજરાતને વરસાદથી તરબોળ કરશે તેવી આગાહી કરી છે.
ગુજરાતને તરબોળ કરશે વરસાદ
સમગ્ર ઓગસ્ટ મહિનામાં વરસાદ ખેંચાઈ ગયો હતો અને ચાલુ મહિનાના પહેલા અઠવાડિયામાં પણ વરસાદ લાવનારી સિસ્ટમ એક્ટિવ થઈ ન હતી. જન્માષ્ટમીથી ફરી વરસાદનાં મંડાણ થતાં લોકોમાં ખુશીનો માહોલ જોવા મળ્યો છે. અલબત્ત, હવે વરસાદનું નામોનિશાન નથી. આજે સવારે પૂરા થયેલા છેલ્લા 24 કલાક દરમિયાન રાજ્યના ચાર તાલુકામાં ઝરમર વરસાદ નોંધાયો હતો. રાજ્યમાં અત્યારે 86.26 ટકા વરસાદ પડ્યો હોઈ ખેડૂતોમાં ચિંતાનો માહોલ છવાયો છે.
વરસાદની આગાહી
સ્થાનિક હવામાન વિભાગ દ્વારા આ અઠવાડિયામાં રાજ્યના દક્ષિણ ગુજરાતમાં છૂટોછવાયો વરસાદ પડવાની આગાહી કરાઈ છે. આ આગાહી મુજબ આજે સુરત, ડાંગ, નવસારી, વલસાડ, તાપી અને દમણ, દાદરા-નગર હવેલીમાં હળવાથી મધ્યમ પ્રકારનો વરસાદ પડી શકે છે, જ્યારે આવતી કાલે દક્ષિણ ગુજરાતના તમામ જિલ્લામાં છૂટોછવાયો વરસાદ પડશે. તા. 15, 16 અને 17 સપ્ટેમ્બરે દક્ષિણ ગુજરાત ઉપરાંત સાબરકાંઠા, અરવલ્લી, પંચમહાલ, દાહોદ અને મહીસાગરમાં છૂટોછવાયો વરસાદ પડી શકે છે. તા. 18 સપ્ટેમ્બરે આ વિસ્તારો ઉપરાંત ભાવનગર, અમરેલી, ગીર-સોમનાથ અને દીવમાં વરસાદ થવાની સંભાવના છે.
RBI ખીજાઈ ગઈ અને બધી બેન્કને કડક આદેશ આપી દીધો, એક દિવસના 5000 રૂપિયા ચાર્જ, હોમ લોન લેનારા વાંચી લેજો
લગ્ન પ્રસંગ આવતા જ મોજ પડે એવા સમાચાર, સોના ચાંદીના ભાવમાં નોંધપાત્ર ઘટાડો, ફટાફટ જાણી લો નવા ભાવ
મૂર્તિઓ, સ્તંભો, પથ્થરો… અયોધ્યામાં રામજન્મભૂમિ ખાતે 50 ફૂટ ખોદકામમાં પ્રાચીન મંદિરના અવશેષો મળ્યા..
હવામાન નિષ્ણાતોનું શું કહવું ?
હવામાન નિષ્ણાતોએ બંગાળની ખાડીમાં બનનારી સિસ્ટમ ગુજરાતને સારો વરસાદ આપશે તેવી શક્યતા વ્યક્ત કરી છે. આગામી દિવસોમાં રાજ્યમાં ચોમાસા જેવો સાર્વત્રિક વરસાદનો માહોલનો થઈ શકે છે, તેમ હવામાન નિષ્ણાતો જણાવે છે. દરમિયાન, સ્થાનિક હવામાન વિભાગે તા. 17 અને 18 સપ્ટેમ્બરે અમદાવાદમાં વરસાદ પડશે તેવી સંભાવના વ્યક્ત કરી છે.