Jamnagar News: જામનગરથી એક દુખદ સમાચાર સામે આવી રહ્યા છે કે અઢી વર્ષની બાળકી રમતાં રમતાં ખુલ્લા બોરવેલમાં ફસાઈ જતાં તેને બહાર કાઢવા માટે રેસ્ક્યૂ ઓપરેશન હાથ ધરાયું છે.
ફાયર વિભાગની ટીમે તાત્કાલિક ઘટના સ્થળે પહોંચીને બાળકીને બહાર કાઢવા માટે રેસ્ક્યૂ ઓપરેશન હાથ ધર્યું હતું.
છેલ્લા 4 કલાકથી આ ઓપરેશન ચાલી રહ્યું છે. બાળકી હાલ બોરની અંદર 20 ફૂટ નીચે ફસાયેલી જોવા મળી રહી છે.
ઉલ્લેખનીય છે કે બચાવ કરનારની ટીમને બાળકીને હાથ દેખાયા હતાં. હાલમાં ઓક્સિજન આપવાની કામગીરી શરૂ કરવામાં આવી છે.
આ અંગે ડેપ્યુટી ચીફ ફાયર ઓફિસર સી.એન. પાન્ડિયને મીડિયાને જણાવ્યું હતું કે, ખેતમજૂરી કરતા અને મુળ મધ્યપ્રદેશના રહેવાસી એવા શ્રમિક પરિવારની બાળકી સવારે 10 વાગ્યે બોરવેલમાં પડી ગઈ હતી.
અકસ્માતે રમતા-રમતા બાળકી પડી ગઈ હતી. કેમરા સાથે ફાયરની ટીમે બચાવ કામગીરી શરૂ કરી છે. હાલ બાળકી અંદાજે બોરની અંદર 20 ફૂટ નીચે છે. બાળકની હાથ દેખાઈ રહ્યા છે. ઓક્સિજનની પણ કાર્યવાહી ચાલું છે. બોરવેલની સાઈડમાં ખોદકામ ચાલુ કરવામાં આવ્યું છે.
જામનગરમાં તમાચણ ગામમાં આવેલા ખુલ્લા બોરવેલમાં અઢી વર્ષની બાળકી પડી જતા ફસાઈ ગઈ હતી. ઘટનાને પગલે ફાયરબ્રિગેડને જાણ કરવામાં આવતા ફાયરની ટીમ તાત્કાલિક રેસ્ક્યૂ કરવા માટે દોડી હતી.
બાળકીને બચાવવા માટે દોઢ કલાકથી વધુ સમયથી રેસ્ક્યુની કામગીરી ચાલી રહી છે.
જામનગર જિલ્લાના તમાચણ ગામમાં અઢી વર્ષની બાળકી 30થી 40 ફૂટ ઊંડા બોરવેલમાં પડી જતા ફસાઈ ગઈ હતી. આથી આસપાસના લોકો તેમજ ગ્રામજનો ત્યાં દોડી આવ્યા હતા અને ફાયરની ટીમને જાણ કરવામાં આવી હતી.
આ પણ વાંચો
જો ભારતીય રેલવેનું ‘કવચ’ ટ્રોનમાં હોત તો ઓડિશા ટ્રેન દુર્ઘટના ઘટી જ ના હોત! 300 લોકો આજે જીવતા હોત
મોરારીબાપુની જય હો, ઓડિશા ટ્રેન દુર્ઘટનામાં લોકોને સહાયરૂપ થવા માટે રૂપિયા 50 લાખની સહાય કરી
હાલમાં બાળકીને સહી સલામત બહાર કાઢવા માટેના પ્રયાસો ફાયરની ટીમ દ્વારા કરવામાં આવી રહ્યા છે. તો બીજી તરફ 108ની ટીમ પણ ત્યાં પહોંચી ગઈ છે, જેથી બાળકીને બહાર કાઢ્યા બાદ સારવારની જરૂર પડે તો આપી શકાય. ત્યારે આ તસવીરો પણ હાલમાં ખુબ વાયરલ થઈ રહી છે.