અમદાવાદ શહેરના પોશ વિસ્તાર માં રહેતી એક મહિલાને પ્રેમ લગ્ન કરવા ભારે પડ્યું છે. પતિ અને સાસુ સસરા ઘરકામની નાની નાની બાબતોમાં મહિલા સાથે ઝઘડો તકરાર કરીને મારઝૂડ કરી ત્રાસ આપતા અને દીકરો બીમાર હોવા છતાં તેની કોઈ સાર સંભાળ નહિ લેતા અંતે કંટાળી ને મહિલા એ પોલીસ ફરિયાદ દાખલ કરાવી છે. પોશ વિસ્તાર માં રહેતી એક મહિલા એ વર્ષ ૨૦૦૪ માં પ્રેમ લગ્ન કર્યા હતા.
લગ્ન બાદ તે તેના પતિ સાથે સંયુક્ત પરિવારમાં રહેવા માટે ગઈ હતી. લગ્નના ત્રણેક વર્ષ સુધી તેના સાસરિયાએ તેને સારી રીતે રાખેલ હતી. પરંતુ બાદમાં તેના સાસુ તેને ઘરકામની નાની નાની બાબતોમાં અવારનવાર મેણા ટોણા મારતા હતા. જાેકે, મહિલાના પતિ તેને સારી રીતે રાખતું હોવાથી મહિલા આ કોઈ બાબતને ધ્યાનમાં લેતી ન હતી. થોડા સમય બાદ તેનો પતિ પણ તેના સાસુનો ઉપરાણું લઇને ઘરકામ બાબતે બોલ ચાલી ઝઘડો કરીને મારઝૂડ કરતો હતો.
આખો દિવસ મહિલા ને ઘરકામ કરાવતા હતા. અને કોઈ પણ જાત ની મદદ કરતા નહટ્ઠતા. મહિલા નો આરોપ છે કે તેના પતિ કેટલીક વખત તેની ઈચ્છા ના હોય તો પણ તેની સાથે શરીર સબંધ બાંધતા હતા. જાેકે મહિલા નો દીકરો બીમાર રહેતો હોવાથી બહારગામ તેની સારવાર માટે લઈ જવાની પણ તેના પતિ એ ના કહી દીધી હતી. જેથી મહિલા દીકરા ને લઈને સારવાર માટે અમદાવાદ આવી હતી.
જ્યાં તેનો પતિ તેમને મળવા માટે પણ આવતા ના હતા. મહિલા ને માનસિક ત્રાસ આપતા તે ડિપ્રેશનમાં આવી ગઈ હતી. જાે કે તેનો પતિ દીકરા ની સારવાર અને ભરણ પોષણનો ખર્ચો આપતો ના હોવાથી ફરિયાદી એ મહિલા પોલીસ સ્ટેશનમાં અરજી કરી હતી. જેને લઇને પણ તેના પતિ તેને વોટ્સએપ પર ધમકી આપતો હતો. આમ અંતે મહિલા એ ફરિયાદ દાખલ કરાવતા પોલીસ એ ફરિયાદ નોંધી ને વધુ કાર્યવાહી શરૂ કરી છે.