આમ તો આમ આદમી પાર્ટી ચોખ્ખી હોવાની વાત કરી રહી છે. પરંતુ જે રીતે તસવીરો સામે આવી રહી છે એ પ્રમાણે એમના ઉમેદવારો ક્યાંયથી ચોખ્ખા હોય એવું લાગી રહ્યું નથી. વાત એવી છે કે આમ આદમી પાર્ટીએ ગઇ કાલે પોતાના વધુ 10 ઉમેદવારોની યાદી જાહેર કરી છે. આ યાદીમાં એક ઉમેદવાર એવાં છે કે, જે પોતાના વ્યક્તિગત જીવનમાં શરાબની મહેફિલ માણતા જોવા મળ્યા છે, એક ઉમેદવાર એવાં છે કે જેમની પર 300 કરોડના ભ્રષ્ટાચારના આરોપ લાગ્યા છે. એક ઉમેદવાર એવાં છે કે જેઓ નર્મદા વિરોધી અને સ્ટેચ્યુ ઓફ યુનિટીના આંદોલનના પ્રણેતા બનીને આદિવાસીઓને ગેરમાર્ગે દોરવાનું તેમજ તેમના હક છીનવવાનું કામ કરેલ છે. એમનું ચાલ અને ચરિત્ર ક્યાંક ને ક્યાંક ખંડાયેલું છે. ગુજરાતની પ્રજા આ બધું જ જોઇ રહી છે અને આવનારા દિવસોમાં આમ આદમી પાર્ટીને કોઇ પણ રાજ્યમાં ન મળ્યો હોય તેવો જાકારો આપવા માટે ગુજરાતની પ્રજા સજ્જ છે.
આવા અનેક દાખલા સામે આવ્યા બાદ હવે લોકોને પણ લાગી રહ્યું છે કે આમ આદમી પાર્ટીમાં પણ બીજી પાર્ટીની જેમ જ દાગી માણસો છે. આમ કુલ મળીને આમ આદમી પાર્ટીના ઉમેદવારો સહિત એમના પાર્ટીના લોકોની કરણી અને કથણીમાં ફરક છે. વેજલપુરના જાહેર થયેલા ઉમેદવાર કલ્પેશ પટેલના દારૂ પાર્ટી અને હુક્કા પાર્ટી કરતા વીડિયો અને ફોટો સામે આવ્યા બાદ હવે હાહાકાર મચી ગયો છે. AAPના ઉમેદવારના વ્યભિચારી ફોટો સામે આવતા અનેક સવાલો AAPના ઉમેદવાર સામે અનેક સવાલો ઊભા થતા જોવા મળ્યા છે.
હવે વિગતો મળી રહી છે એ પ્રમાણે આમ આદમી પાર્ટીના આ ઉમેદવારના ફોટા અને વીડિયો વાયરલ થતા રાજકારણ ગરમાયું છે. ભાજપ નેતા રૂત્વિક પટેલે પણ આપ પાર્ટી પર આકરા પ્રહાર કર્યા છે. પ્રાપ્ય વિગતો અનુસાર ગઇકાલે બુધવારના રોજ AAPએ વધુ 10 ઉમેદવારોની યાદી જાહેર કરી હતી. જેમાં વેજલપુરના ઉમેદવાર કલ્પેશ પટેલનો પણ સમાવેશ થાય છે. ત્યારે વેજલપુરના ઉમેદવાર કલ્પેશ પટેલના દારૂ અને હુક્કા પાર્ટી કરતા ચોંકાવનારા ફોટા અને વીડિયો વાયરલ થયા છે. જે મુદ્દે રાજકારણમાં ગરમાવો આવ્યો છે.