વિધાનસભા ચૂંટણીને લઈ ગુજરાતમાં અલગ અલગ કેન્દ્રીય નેતાઓ આવી રહ્યા છે. ત્યારે એ જ અરસામાં સ્મૃતિ ઇરાની આજે ગુજરાત પ્રવાસે છે. તેઓએ અમદાવાદમાં હેલો કમલ શક્તિ કાર્યક્રમમાં હાજરી આપી હતી અને ગુજરાત તેમજ ગુજરાતીને લઈ સંબોધન આપ્યું હતું. આ કાર્યક્રમ દરમ્યાન કેજરીવાલ અને રાહુલ ગાંધી પર પણ જોરદાર કટાક્ષ કર્યો હતો. સ્મૃતિ ઈરાનીએ હિન્દીમાં સ્પીચ શરૂ કરીને જ રાહુલ ગાંધી પર કટાક્ષની શરૂઆત કરી હતી.
ઈરાનીએ વાત કરતાં કહ્યું કે ગુજરાતની વહુ છું પરંતુ હાલમાં અમેઠીની સાંસદ છું. હિન્દીમાં એટલા માટે બોલું છું કારણ કે ગુજરતમાં આવનારને ગુજરાતી આવડતું નથી.. મારો અવાજ અમેઠી સુધી પહોંચવો જોઇએ. આ સાથે જ તેમણે વાત કરી હતી કે દિલ્હીના સપનાંનાં સોદાગરને કહું છું કે ગુજરાતની જનતા નહિં ભૂલે કે નર્મદાના પાણીની જરૂરિયાત હતી ત્યારે તેમણે વિરોધ કરનારને હાર તોરા પેહરવતા હતા.
આગળ વાત કરતાં સ્મૃતિ ઈરાનીએ કહ્યું કેઅમારી સરકાર મહિલાઓને દૂધ આપે છે જયારે દિલ્હી પિંક શરાબનો ઠેકો આપે છે. દિલ્હીમાં દારૂ કેવી રીતે પીવો તેની સ્કૂલ શરૂ કરી છે. અમે રાજનીતિ એક મર્યાદાથી કરીએ છીએ. આમ આદમી પાર્ટીએ હીરાબાનું પણ અપમાન કર્યું. તેમનો દીકરો રાજકરણમાં છે બા રાજકારણ માં નથી.
સ્મૃતિ ઈરાનીએ કેજરીવાલ પર કટાક્ષ કરતાં ટોણો માર્યો હતો કે પીવાના પાણીના વાયદા કરે છે, પણ દિલ્હીને 690 ઝૂંપડીમાં પણી મળતું નથી. ખોટું હોય તો દિલ્હીના સંગમ વિહાર માં જઈને જોઈ આવે કે શું હાલત છે? જ્યારે આપણા PM મોદીએ કરોડો લોકોને નલ સે જલ સુવિધા આપી છે. કેજરીવાલએ 690 ઝૂંપડપટ્ટીમાં પાણી આપ્યું નથી.