અમદાવાદની સિવિલ હોસ્પિટલ એશિયાની સૌથી મોટી છે. આ વચ્ચે અહીની એક ચોકાવનારી ઘટના સામે આવી છે બતાવે છે કે હોસ્પિટલમાં કેન્ટીનમાં સ્વચ્છતાના નામે મીંડું છે અને કેન્ટીન ખુબ ગંદી છે. આ વીડિયો એક નાગરિકે રેકોર્ડ કર્યો છે જેમા જોઈ શકાય છે કે અહી કચરાના થર જામેલા છે તો બીજી તરફ અંદર ઉંદર બિનધાસ્ત રીતે ફરીને તડબૂચ પણ ખાઈ રહ્યો છે.
વાયરલ વીડિયોમા સ્પષ્ટ જોઈ શકાય છે કે કેન્ટીનમાં રાખવામાં આવેલી વસ્તુઓના ડબ્બા પણ ખુલ્લા છે અને ઉંદર આંટાફેરા કરે છે. હવે આ ઉંદરે ખાધેલા તડબૂચનો જ્યૂસ પણ અહીંથી દર્દીઓ માટે લઈ જવામાં આવે તો સવાલ એ થાય છે કે રોગચાળો ફાટી નીકળે તો જવાબદાર કોણ હશે?
હવે આ વીડિયો વાઈરલ થતાં સિવિલ હોસ્પિટલની પોલ ખુલી છે. આ બાદ સુપરિન્ટેન્ડન્ટ ડોક્ટર રાકેશ જોશીએ તાત્કાલિક હોસ્પિટલ કેન્ટીનને બંધ કરાવી અને તમામ વસ્તુઓને પણ અખાદ્ય ગણીને એનો નાશ કરાવ્યો હોવાનુ જાણવા મળ્યુ છે.