અમદાવાદના શાહપુર મેંહદી કુવા વિસ્તારમાં રહેતી વિરલ નામની યુવતીએ સૌપ્રથમ વખત મત આપ્યો હતો. દૂધેશ્વર અર્બન હેલ્થ સેન્ટર ખાતે મતદાન કરવા આવેલી વિરલ નામની યુવતીએ જણાવ્યું હતું કે, મેં સૌ પ્રથમ વખત મારા માતા અધિકારનો ઉપયોગ કર્યો છે અને સૌ લોકોને મારી અપીલ છે તે લોકોએ મતદાન કરવું જોઈએ.
તો આ તરફ વટવા અને ઘોડાસરની મહિલાઓ ઢોગ નગારા સાથે ડાન્સ કરતી કરતી મતદાન આપવા આવી હતી.
અમદાવાદ શહેરની વાત કરીએ તો મતદાન ખૂબ જ ધીમું ચાલી રહ્યું છે. બપોરે 1:00 વાગ્યા સુધીમાં થયેલા મતદાનના આંકડા અને પરિસ્થિતિ પ્રમાણે મતદાન મથકો ઉપર હવે ભીડ ઓછી જોવા મળી રહી છે. શહેરના કોટ વિસ્તાર કહેવાતા એવા જમાલપુર ખાડિયા વિસ્તારમાં મતદાન નિરસ થઈ રહ્યું છે. બપોરે 12 વાગ્યા સુધી મતદાન કરવા માટે લોકો મતદાન મથક સુધી પહોંચ્યા હતા અને લાઈનો જોવા મળી હતી.