Gujarat News : રાજ્યમાં સુરક્ષાની વાતો તો ખુબ થાય છે. પરંતુ લૂંટારાઓ, ચોરો અને ગુંડાઓને ક્યાંક કાયદાનો ડર રહ્યો નથી. કારણ કે, હવે તો ખૂદ ધારાસભ્યોના (MLAs) ઘરેથી પણ ચોરીઓ થવા લાગી છે. વાત ભિલોડાના ધારાસભ્ય પી સી બરંડાના (mla pc baranda) ઘરમાં થયેલી લૂંટની છે. જ્યાં ગત રાત્રે ઘરમાં ઘુસીને બે બુકાની ધારીઓએ લૂંટ મચાવતા ચકચાર મચી ગઈ હતી. આ ઘટનામાં ધારાસભ્યના પત્નીને ઘરમાં બંધક બનાવી લૂંટારાઓ દ્વારા લૂંટ કરવામાં આવી હતી.
સોના-ચાંદી અને રોકડની લૂંટ
જેમાં બુકાની ધારીઓ સોના-ચાંદીમાં દાગીના સહિત રોકડની લૂંટ કરીરે ફરાર થઈ ગયા હતા. જોકે આ ઘટના બાદ ધારાસભ્યના પત્ની ગભરાયેલા જોવા મળ્યા હતાં, પોતાના ઘરે લૂંટ થઈ હોવાની જાણ થતાં જ ધારાસભ્ય ગાંધીનગરથી વાકાટીંબા દોડી આવ્યા હતા. બીજી તરફ અરવલ્લી એસપી સહિતનો પોલીસ કાફલો પણ દોડી આવ્યો હતો, અને તપાસનો ધમધમાટ શરૂ કર્યો હતો. જેમાં ગણતરીના કલાકોમાં જ પોલીસે બે શકમંદોને ઝડપી પાડી સમગ્ર મામલે તપાસ હાથ ધરી છે.
ગુજરાતમાં 900 થી વધુ પ્રાથમિક શાળાઓમાં માત્ર એક શિક્ષક, રાજ્ય વિધાનસભામાં આ માહિતી આપવામાં આવી
લૂંટારાઓ પર પોલીસ કડક કાર્યવાહી કરે
જો એક ધારાસભ્યનું ઘર જ સુરક્ષિત ન હોય તો સામાન્ય માણસનું ઘર કેવી રીતે સુરક્ષિત રહે. ત્યારે આશા રાખીએ કે, લૂંટારાઓ પર પોલીસ કડક કાર્યવાહી કરે.