ગુજરાતમાં નેતાઓના પત્ની સિવાયના અફેરની અવાર નવાર ચર્ચા થતી રહે છે. ત્યારે હાલમાં જ કોંગી નેતાનો ભાંડો ફૂટતા સમગ્ર રાજ્યમાં ફરીવાર ચર્ચાનો દોર શરૂ થયો છે અને રાજકીય ગલીઓમાં ચોર મચી ગયો છે. ગુજરાત કોંગ્રેસના પૂર્વ પ્રમુખ ભરતસિંહ સોલંકીને લઈને મોટો ઘટસ્ફોટ થયો છે. નેતાજીની પત્ની રેશમા પટેલે એક વીડિયો બહાર પાડ્યો છે અને જેમાં કહેવામાં આવ્યું છે કે પોતે પીડિત છે અને પૈસા કે સંપત્તિ નહીં પરંતુ ન્યાય-સન્માન સાથે પતિ પાછા જોઈએ છે તેવી વાત કરતા જોવા મળે છે. ગુજરાતમાં રાહુલ ગાંધીની મુલાકાત પહેલાં જ વીડિયો અને લેટર બોંબ સામે આવ્યો છે.
આ સિવાય વાત કરવામાં આવે તો વીડિયોની સાથે જ રેશમાએ એક પત્ર પણ લખ્યો છે. રેશમા પટેલે સ્પષ્ટ ચીમકી આપી છે કે, જો તેમને ન્યાય નહીં મળે તો ગુજરાત પ્રદેશ કોંગ્રેસ કાર્યાલયની બહાર ધરણાં પણ કરશે. રેશમાએ નાની ઉંમરની યુવતીઓ સાથેના પતિના સંબંધોનો પણ ઉલ્લેખ કર્યો છે. યુએસએથી રેશમા પટેલે ટેલિફોનિક વાતચીતમાં વાત કરી હતી કે મારા પતિ ભરતસિંહ સોલંકીએ મને ઘરેથી કાઢી મૂકી છે. યુએસએમાં મારી પાસે કોઈ સારી નોકરી પણ નથી. બીજાના ઘરે ઘરે જઈને કામ કરું છું અને રોજીરોટી કમાઉ છું. પતિ ભરતસિંહના કારણે મારા પિતાને ગુમાવ્યા છે. તેઓ 20 દિવસ યુએસએ આવીને ગયા પરંતુ મારો સંપર્ક સુદ્ધાં કર્યો નથી. કોઈ માણસ આટલો નિષ્ઠુર હોઈ શકે? તેઓ અન્ય મહિલાઓ સાથે ચેટિંગમાં વ્યસ્ત રહે છે, મહિલાઓને જોવા માટેની તેમની દ્રષ્ટિ ખરાબ છે, તેમને શરમ જેવું કંઈ નથી.
તો વળી બીજી વાત કરવામાં આવે તો રેશમા પટેલ કહે છે કે, ઉત્તર પ્રદેશની ચૂંટણીમાં પ્રિયંકા ગાંધી કહે છે કે, મહિલા લડ શકતી હૈ, પરંતુ ગુજરાતમાં તેમના પક્ષના નેતાની વહુ સાથે અન્યાય થાય એ તો કોઈ જોતું પણ નથી. મને સંપત્તિની લાલચ નથી, મને સન્માન જોઈએ છે. મારા પતિ મારી સામે જ 22થી 28 વર્ષની બીજી યુવતીઓને રૂમમાં લઈ જતાં હતા, જે મહિલાઓ સાથે સંબંધ છે તેમના નામજોગ મેં કોંગ્રેસ પ્રભારી રઘુ શર્માને જણાવ્યું છે, પરંતુ તેમણે કોઈ પગલાં ભર્યા નથી.