Biparjoy cyclone: કેન્દ્રીય ગૃહ સચિવ અજય ભલ્લાએ રવિવારે ‘બિપરજોય’ ચક્રવાતની અસરોનો સામનો કરવા માટે કેન્દ્ર સરકારના વિવિધ વિભાગો અને ગુજરાત વહીવટીતંત્રની તૈયારીઓની સમીક્ષા કરી હતી. અધિકારીઓએ આ માહિતી આપી હતી. ચક્રવાત ‘ગંભીર ચક્રવાત વાવાઝોડા’માં ફેરવાઈ ગયું છે અને 15 જૂને ગુજરાતના કચ્છ જિલ્લા અને પાકિસ્તાનના કરાચી વચ્ચે ત્રાટકવાની શક્યતા છે.
મંત્રાલયના પ્રવક્તાએ જણાવ્યું હતું કે કેન્દ્રીય ગૃહ સચિવે રાષ્ટ્રીય કાર્યકારી સમિતિની એક બેઠકની અધ્યક્ષતા કરી હતી અને ચક્રવાત ‘બિપરજોય’ ની અસરોનો સામનો કરવા માટે કેન્દ્ર સરકારના વિવિધ વિભાગો અને ગુજરાત વહીવટીતંત્રની તૈયારીઓની સમીક્ષા કરી હતી.
ડિઝાસ્ટર મેનેજમેન્ટ એક્ટ મુજબ, રાષ્ટ્રીય કાર્યકારી સમિતિ દેશમાં આપત્તિ વ્યવસ્થાપન માટે વિવિધ નીતિઓ અને યોજનાઓ ઘડવા માટે જવાબદાર છે. ચક્રવાત ‘બિપરજોય’ની અસરોનો સામનો કરવામાં ગુજરાત વહીવટીતંત્રને મદદ કરવા માટે નેશનલ ડિઝાસ્ટર રિસ્પોન્સ ફોર્સ (NDRF), આર્મી, નેવી, એરફોર્સ અને કોસ્ટ ગાર્ડની પૂરતી સંખ્યામાં ટીમો અને સાધનો તૈનાત કરવામાં આવ્યા છે.
આ પણ વાંચો
વાવાઝોડા બિપોરજોયે ફરી પોતાની દિશા બદલી, ગુજરાત માટે ચિંતાનું પ્રમાણ વધ્યું
હવામાન નિષ્ણાંત અંબાલાલ પટેલની બિપરજોય વાવાઝોડાને લઈ મોટી આગાહી, આ જીલ્લામાં પડશે અતિભારે વરસાદ
પ્રવક્તાએ જણાવ્યું હતું કે ગુજરાત સરકારે ચક્રવાત ‘બિપરજોય’ ની અસરોનો સામનો કરવા માટે તમામ સંભવિત સાવચેતીના પગલાં લીધા છે અને ચક્રવાત હિટ થયા પછી સેવાઓ પુનઃસ્થાપિત કરવા માટે સંપૂર્ણ રીતે તૈયાર છે. આ બેઠકમાં ગુજરાતના મુખ્ય સચિવ, કેન્દ્ર સરકારના મંત્રાલયોના વરિષ્ઠ અધિકારીઓ, ભારતીય હવામાન વિભાગ અને NDRFના વરિષ્ઠ અધિકારીઓ વગેરેએ ભાગ લીધો હતો.