Gujarati News : ભારતે ઈતિહાસ રચ્યો છે. ચીન, રશિયા કે અમેરિકા નથી કરી શક્યા એ ભારતે કરી બતાવતાં દેશમાં 23મીની સાંજે દિવાળી જેવો માહોલ હતો. ચન્દ્રયાને સોફ્ટ લેન્ડિંગ કરતાંની સાથે જ ચંદ્રના દક્ષિણ ધ્રૂવ પર ઉતરનારો ભારત પ્રથમ દેશ બની ગયો છે. આ ગૌરવની પળ છે અને એ ઈતિહાસમાં અમર થઈ જશે.
ભારતની આ મહાન ગાથાથી બાળકો પણ વંચિત ન રહી જાય એ માટે રાજ્યની મોટાભાગની સ્કૂલોમાં પણ આ પળોનું લાઈવ ટેલિકાસ્ટ કરાયું હતું. ઈસરોએ શું અદભૂત સિદ્ધી મેળવી છે એ આવનારી પેઢી જાણે એ પણ અતિ અગત્યનું છે.
અમદાવાદમાં જગતપુરમાં આવેલી Khyati Ninos સ્કૂલમાં બાળકો માટે આજે પણ એકસ્ટ્રા ક્લાસ લેવાયા હતા. ઈસરોની આ ગૌરવશાળી પળને સ્કૂલની ટીચરોએ ભેગા મળીને પ્રેઝન્ટેશન બનાવીને બાળકો સામે રજૂ કર્યું હતું.
સ્કૂલની પ્રીન્સિપાલ સિદ્ધિ બન્સી લાલચેતા દ્વારા આયોજિત આ ક્લાસનો હેતુ માત્ર એટલો હતો કે આવનારી પેઢી પણ આ ગૌરવશાળી પળને હંમેશ માટે યાદ રાખે. આજે સાઉથ ભારતીયોનું અવકાશ ક્ષેત્રે અથાક પ્રદર્શન છે એ દીશામાં આવનારી પેઢી પણ આગળ વધે અને ગુજરાતનું પણ નામ રોશન કરે