હાલમાં એક પત્ર વાયરલ થઈ રહ્યો છે જેમાં લખવામાં આવ્યું છે કે- હું ભારત દેશનો રહેવાસી છું અને ધોરાજીમાં રહું છું. આપ સાહેબની સરકાર આવ્યા પછી જે ગેસના બાટલાના 350 રૂપિયા હતા તેના રૂ.1050 થઈ ગયેલ છે. જે પેટ્રોલનો ભાવ 70 રૂપિયા હતો તેના 104 રૂપિયા થઈ ગયા છે. હું એક સામાન્ય પરિવારમાંથી આવું છું જેથી ઘર ચલાવવું મુશ્કેલ બને છે. મારા પરિવારમાં 4 વ્યક્તિ હોય છોકરાઓને ભણાવવાનો ખર્ચ અને આવી મોંઘવારીમાં ઘર ચલાવી શકાય તેમ ન હોય તો આપ સાહેબને મારી નમ્ર વિનંતી છે કે પેટ્રોલ અને ગેસનો બાટલો મને હપતેથી આપવામાં આવે. આ પત્ર લખ્યો છે સંકેત મકવાણા નામના વ્યક્તિએ.
સંકેતભાઈના પરિવારમાં 4 લોકો છે બાળકોનો ભણતરનો ખર્ચ અને કમરતોડ મોંઘવારીને કારણે ઘર ચલાવવું મુશ્કેલ છે તેથી પેટ્રોલ અને ગેસનો બાટલો તેમને હપતેથી આપવાની સુવિધા થાય તો સારુ એવું એમનુ કહેવું છે. સંકેતે પત્ર લખીને હાલમાં પ્રજા માટે સૌથી મોટી સમસ્યા ઈંધણનો કમરતોડ ભાવવધારો છે જેના વિશે અવાજ ઉઠાવ્યો એ જોઈ શકાય છે. હવે રાજકોટના ધોરાજીના તાલુકાના રહેવાસી સંકેત મકવાણા નામના યુવાનનો આ પત્ર વાયરલ થઈ રહ્યો છે. વિગતો મળી રહી છે કે મંગળવારે પ્રાંત અધિકારી કચેરીએ આ આવેદન આપ્યું હતું જે વાંચીને કર્મચારીઓ પણ અવાચક રહી ગયા હતા, કારણ કે તેમાં પેટ્રોલ અને ગેસનો બાટલો હપ્તેથી આપવાની માગ કરાઈ હતી