Ahmedabad News :અમદાવાદથી એક મોટા સમાચાર સામે આવી રહ્યા છે. શહેરની રાજસ્થાન હોસ્પિટલ (Rajasthan Hospital)ના ભોંયરામાં વહેલી સવારે અચાનક આગ ભભૂકી છે. ફાયર વિભાગની કુલ 31 ગાડીઓ પણ તાત્કાલિક ઘટના સ્થળે પહોંચી છે. આગના કારણે હોસ્પિટલના ભોંયરામાં પડેલા તમામ વાહનો બળીને ખાખ થયા હોવાનું સામે આવી રહ્યું છે
આ સાથે જ માહિતી મળી રહી છે કે આગના કારણે 100 જેટલા દર્દીઓને અન્ય હોસ્પિટલમાં ખસેડવામાં આવ્યા છે. અમદાવાદમાં બ્રિગેડ કોલ જાહેર કરવામાં આવ્યો છે. ફાયર બ્રિગેડના તમામ સ્ટાફ અને સાધનોની મદદથી આગને કાબુમાં લેવાના પ્રયાસ કરવામાં આવી રહ્યાં છે. હોસ્પિટલ તરફનો 500મીટરના રોડ રસ્તા બંધ કરવામાં આવ્યો છે. જરૂર પડશે તો દવાખાનાની છત પણ તોડવામાં આવી શકે છે.
આગ સાથે ધુમાડો ખૂબ જ હોવાથી ફાયરના જવાન અંદર ગયા હતા, પરંતુ ધુમાડાને કારણે લાંબો સમય અંદર રહી શક્યા નહિ. આગ ઓછી છે પરંતુ ધુમાડો વધારે હોવાથી અંદર જઈ શકાય તેવી સ્થિતિ નથી. ફેન વડે ધુમાડો બહાર કાઢવામાં આવી રહ્યો છે.
આ આગને બુઝાવવા માટે ફાયર વિભાગની 30 જેટલી ગાડીઓ ઘટના સ્થળે આવી પહોંચી હતી. આ આગના સમાચાર મળતાની સાથે જ પોલીસનો કાફલો પણ ત્યાં પહોંચીને વધુ તપાસ હાથ ધરી છે. હોસ્પિટલનો સ્ટાફે પણ દર્દીઓને ખસેડવામાં ઘણી જહેમત ઉઠાવી હતી. આગ લાગવાનું કારણ જણાવતા કહ્યુ કે, આ બેઝમેન્ટમાં લાકડાનું ફર્નિચર, ડનલોપની શિટો, પ્લાયવુડ પડ્યુ હતુ જેના કારણે આગ લાગી શકી હોય શકે છે.
આ પહેલા એસવીપી હોસ્પિટલમાં આગ લાગવાની ઘટના બની છે. આ આગ શોર્ટ સર્કિટના કારણે આગ લાગી હોવાનું સામે આવ્યુ હતુ. આગની જાણ થતા દર્દીઓ તેમજ હોસ્પિટલ સ્ટાફ બહાર આવી ગયો હતો. હોસ્પિટલમાં દાખલ દર્દીઓને અન્ય જગ્યાએ ખસેડવામાં આવ્યા છે અને ફાયરની ટીમ ઘટનાસ્થળે પહોંચી ગઈ હતી.