વહેલી સવારે હળવી ઠંડકનો અનુભવ થયા સિવાય દિવસ દરમિયાન હવે અમદાવાદ સહિત રાજ્યભરમાં ગરમીનો અનુભવ થવા લાગ્યો છે. બપોરના સમયે હવે તાપ વધારે આકરો થવાની શરુઆત થઈ રહી છે. આ બધાની વચ્ચે વાતાવરણમાં ફરી એકવાર પલ્ટો આવવાની સંભાવના સ્થાનિક હવામાન વિભાગ દ્વારા વ્યક્ત કરવામાં આવી છે. જેમાં રાજ્યના કેટલાક ભાગોમાં વરસાદી ઝાપટાં થવાની સંભાવના વ્યક્ત કરાઈ રહી છે. એક તરફ રાજ્યમાં માર્ચ મહિનાના અંત સુધીમાં વ્યાકુળ કરી દે તેવી ગરમી પડવાની સંભાવના વ્યક્ત કરવામાં આવી રહી છે.
ગુજરાત સહિત પાડોશી રાજ્યોમાં માર્ચ મહિનાથી કાળઝાળ ગરમી પડવાની આગાહી પણ વ્યક્ત કરવામાં આવી છે. હવામાન વિભાગ દ્વારા રાજ્યમાં આગામી અઠવાડિયાની શરુઆતમાં માવઠું થવાની આગાહી વ્યક્ત કરી છે. હવામાન વિભાગ દ્વારા રાજ્યના દક્ષિણ ગુજરાતના ડાંગ, તાપી અને નર્મદા જિલ્લામાં કમોસમી વરસાદ થવાની સંભાવના વ્યક્ત કરવામાં આવી છે. આ સિવાય સૌરાષ્ટ્ર, ઉત્તર ગુજરાત અને અન્ય ભાગોનું હવામાન હળવું રહેવાની સંભાવના વ્યક્ત કરવામાં આવી છે.
ગાહીવાળા જિલ્લાઓમાં માવઠું થતાં હવામાનમાં ફેરફાર થઈ શકે છે, આવામાં બફારો પણ અનુભવાય તેવી શક્યાતાઓ વ્યક્ત કરાઈ રહી છે. કમોસમી વરસાદની આગાહી વચ્ચે ગરમીનું જાેર પણ વધવા લાગ્યું છે રાજ્યમાં સરેરાશ મહત્તમ તાપમાન ૩૬ ડિગ્રી અને લઘુત્તમ તાપમાન ૧૮ ડિગ્રી સેલ્સિસ રહેશે. આજે રાજ્યમાં સૌથી ઊંચું તાપમાન ૩૭ ડિગ્રી સુરેન્દ્રનગર અને મહુલામાં રહેશે. જ્યારે અમદાવાદ અને ગાંધીનગરમાં મહત્તમ તાપમાન ૩૬ ડિગ્રી રહેશે.
રાજ્યમાં આ વર્ષે માર્ચમાં ઉનાળો વધારે આકરો રહેવાની સંભાવના વ્યક્ત કરવામાં આવી રહી છે. માર્ચ મહિનામાં હીટવેવનો પણ સામનો કરવો પડી શકે છે. ગુજરાત સહિત મહારાષ્ટ્ર, મધ્યપ્રદેશ, છત્તીસગઢમાં ધોમ ધખતી ગરમીનો માર્ચ દરમિયાન સામનો કરવો પડશે. આ દરમિયાન ગુજરાતમાં મહત્તમથી વધુ તાપમાન રહેવાની સંભાવના વ્યક્ત કરવામાં આવી છે.
રિપોર્ટ્સ મુજબ ગુજરાત સહિતના ઉપર જણાવેલા રાજ્યોના મેદાની વિસ્તારમાં તાપમાન અન્ય વિસ્તારો કરતા વધારે ઊંચું રહેવાની વકી છે. આ સિવાય મહારાષ્ટ્ર અને ગુજરાતના દરિયાકાંઠાના વિસ્તારોમાં પણ આગામી સમયમાં ભારે ગરમી પડવાની સંભાવના હવામાન વિભાગે વ્યક્ત કરી છે.