Business News: લાંબા સમયથી દેશભરમાં પેટ્રોલ અને ડીઝલના ભાવમાં કોઈ ખાસ ફેરફાર નથી. દેશના મેટ્રો સિટીમાં રેટ યથાવત છે. આ દરમિયાન કેન્દ્ર સરકારે સરકારી ઓઈલ કંપનીઓને મોટો ઝટકો આપ્યો છે. આ વખતે સરકારે વિન્ડફોલ ટેક્સ વધારવાની જાહેરાત કરી છે. સરકાર તરફથી જાહેરનામું બહાર પાડીને આ અંગેની માહિતી આપવામાં આવી છે.
ટેક્સ વધારી દીધો
સરકારે માહિતી આપી છે કે ક્રૂડ ઓઈલ અને ડીઝલની નિકાસ પર વિન્ડફોલ ટેક્સ વધારવાનો નિર્ણય લેવામાં આવ્યો છે. તે જ સમયે, જેટ ઇંધણની નિકાસ પરનો સેસ પાછો ખેંચવાનો નિર્ણય લેવામાં આવ્યો છે.
SAED 7,100 રૂપિયા પ્રતિ ટન બને છે
સરકારી નોટિફિકેશન મુજબ દેશમાં ઉત્પાદિત ક્રૂડ ઓઈલ પર સ્પેશિયલ એડિશનલ એક્સાઈઝ ડ્યુટી (SAED)ના રૂપમાં વસૂલવામાં આવતો ટેક્સ 4,250 રૂપિયા પ્રતિ ટનથી વધારીને 7,100 રૂપિયા પ્રતિ ટન કરવામાં આવ્યો છે. ડીઝલની નિકાસ પર SAED 1 રૂપિયા પ્રતિ લિટરથી વધારીને 5.50 રૂપિયા પ્રતિ લિટર કરવામાં આવી છે.
આજથી નવા દરો લાગુ
15 ઓગસ્ટથી એવિએશન ફ્યુઅલ અથવા એટીએફની નિકાસ પર પ્રતિ લિટર 2 રૂપિયાની ડ્યુટી લાદવામાં આવશે. આ પહેલા વિમાનના ઈંધણ પર કોઈ SAED નહોતું. પેટ્રોલ પર SAED શૂન્ય રહેશે. તમને જણાવી દઈએ કે નવા ટેક્સ દર મંગળવારથી લાગુ થશે. ઉર્જા કંપનીઓના અસાધારણ નફા પર કર વસૂલતા દેશોની વધતી સંખ્યા સાથે ભારતે સૌપ્રથમ ગયા વર્ષે 1 જુલાઈના રોજ વિન્ડફોલ પ્રોફિટ ટેક્સ રજૂ કર્યો હતો.
મહાત્મા ગાંધીજીએ આઝાદીનો જશ્ન કેમ નોહતો મનાવ્યો? દિલ્હીથી તો કેટલાય દુર રહ્યાં, જાણો એકદમ અજાણી વાતો
આઝાદી યાદ કરો: આખું ભારત આઝાદ થઈ ગયું પણ જૂનાગઢ 15 ઓગસ્ટે આઝાદ નોહ્તું થયું, રહસ્યો જાણવા જેવા છે
આંતરરાષ્ટ્રીય બજારમાં ક્રૂડ ઓઈલના ભાવ કેવા હતા?
સરેરાશ તેલના ભાવના આધારે દર પખવાડિયે કર દરોની સમીક્ષા કરવામાં આવે છે. જો ક્રૂડ ઓઈલની વૈશ્વિક કિંમત પ્રતિ બેરલ US$ 75 થી વધી જાય તો સ્થાનિક ક્રૂડ ઓઈલ પર વિન્ડફોલ ટેક્સ લાદવામાં આવે છે. ઓગસ્ટમાં આંતરરાષ્ટ્રીય બજારમાં કાચા તેલની સરેરાશ કિંમત 86.8 યુએસ ડોલર પ્રતિ બેરલ હતી.