ગુજરાતમાં SGSTની ટીમે કાલે અમદાવાદ, સુરત, રાજકોટ, આણંદ અને ભાવનગરમાં અંદાજિત 100થી વધુ પેઢીઓમાં સપાટો બોલાવ્યો છે. તપાસ દરમિયાન કરોડોના કૌભાંડ સામે આવતા ખળભળાટ મચી ગયો છે. મળતી માહિતી મુજબ 4,000 કરોડથી વધુના બોગસ ટ્રાન્ઝેક્શન થયા હોવાનો ઘટસ્ફોટ થયો છે. SGST વિભાગ અને પોલીસ સાથે મળીને હાથ ધરેલા આ અભિયાનમા અલગ-અલગ જગ્યાએથી તપાસ કરવામા આવી હતી.
કરોડોના કૌભાંડ સામે આવતા ખળભળાટ
આ દરમિયાન 4,000 કરોડથી વધુના બોગસ ટ્રાન્ઝેક્શન નવી મોડસ ઓપરેન્ડી મુજબ થયા. આ માટે કૌભાંડીઓએ સમાન્ય જનતાનો પણ ઉપયોગ કર્યો છે. તેઓએ આધાર કાર્ડ સેન્ટર પરથી જરૂરિયાતમંદ લોકોના આધારમાં મોબાઇલ નંબર બદલી નાખ્યા અને તેમના નામે પેઢીઓ ઊભી કરી લીધી. આ રીતે આઠ મહિનામાં 1500 આધારના મોબાઇલ નંબરનો ઉપયોગ થયો. આ સાથે 470 GST રજિસ્ટ્રેશન પણ મેળવાયા હોવાનુ સામે આવ્યુ છે.
4,000 કરોડથી વધુના બોગસ ટ્રાન્ઝેક્શન
મળતી માહિતી મુજબ રાજ્યમાં કુલ 112 જેટલા સ્થળો પર દરોડા પાડતા સુરતની 75 પેઢીમાંથી 61 પેઢીઓ બોગસ નીકળતાં 2770 કરોડનું ટ્રાન્ઝેકશન કરી રૂપિયા 84 કરોડની વેરાશાખ મેળવાઈ હતી. આ સિવાય અમદાવાદમાં 24 પેઢીમાંથી 13 બોગસ નિકળી. આ પેઢીઓ દ્વારા 1350 કરોડનું ટર્નઓવર કરી રૂપિયા 53 કરોડની આઇટીસી મેળવવામાં આવી હોવાનુ સામે આવ્યુ છે.
રાજ્યમાં કુલ 112 જેટલા સ્થળો પર દરોડા
કાર્યવાહી દરમ્યાન સામે આવ્યુ છે કે આ કાર્યવાહીઓ દરમિયાન હજી સુધી કોઈની પણ ધરપકડ કરવામાં આવી નથી. શંકાસ્પદોની ઓળખ થઈ છે અને ટૂંક જ સમયમાં FIR દાખલ કરવામાં આવશે.
આખા 19 વર્ષ સુધી ચાલે છે શનિની મહાદશા! ભિખારીને પણ બનાવી દે રાજા, સમજો કે સુખની ચરમ ચીમા મળી જાય
કેવા છોકરા સાથે લગ્ન કરશે જયા કિશોરી? જયાએ પોતાના દિલની વાત કહી, આ વાતને સૌથી પહેલા ચેક કરશે
વિગતો મુજબ સુરતમા સંડોવાયેલાં વ્યક્તિના મોબાઇલમાંથી આધારકાર્ડ, પાનકાર્ડ, જેવા ડુપ્લીકેટ દસ્તાવેજો એપીકે ફાઇલથી એન્ડ્રોઇડ એપ દ્વારા બનાવાતા હતા. આ સિવાય ડમી નામે બનાવટી આઇડી બનાવી લોકોના દસ્તાવેજો લોન અપાવવાના બહાને લેવાતા અને તેમના પાન કાર્ડ અને આધાર કાર્ડનો ઉપયોગ થતો. આ માટે તે લોકોના સ્ટેટમેન્ટ પણ લેવાતા હતા.