મોન્સૂન ટ્રફ અને સર્ક્યુલર સિસ્ટમ એમ બે-બે સિસ્ટમ સક્રિય થવાથી આગામી ચાર દિવસ ભારેથી અતિભારે વરસાદની આગાહી ગુજરાતમાં કરવામાં આવી છે. માછીમારોને 5 દિવસ દરિયો ન ખેડવા સૂચના અપાઈ છે. આજે પણ મેઘરાજા ગુજરાતને ધમરોળી રહ્યા છે. ગુજરાતમાં અત્યાર સુધીમાં 107 ટકા વધુ વરસાદ ચોમાસાના 15 દિવસમાં જ પડી ગયો છે.વિસાવદરમાં બારે મેઘ ખાંગા થયા હોય એમ 8 કલાકમાં 14 ઈંચ વરસાદ ખાબક્યો છે, આથી રસ્તાઓ અને ખેતરો પાણી પાણી થઈ ગયાં છે. અમદાવાદમાં ધોધમાર વરસાદ શરૂ થયો છે. એસજી હાઇવે, થલતેજ, પ્રહલાદનગર સહિતના વિસ્તારોમાં ધોધમાર વરસાદ વરસી રહ્યો છે.
Flash:
Latest visuals of #HeavyRain in #Ahmedabad. #GujaratRain pic.twitter.com/AHe5mRKYS9
— Yuvraj Singh Mann (@yuvnique) June 30, 2023
ગુજરાતના 117 તાલુકામાં સવારના 8થી બપોર પછીના 4 વાગ્યા સુધી વરસાદ નોંધાયો છે. જેમાં જામનગરમાં 8 ઈંચ, અંજારમાં 8 ઈંચ, કપરાડામાં 5 ઈંચ, ધરમપુરમાં 5 ઈંચ, વ્યારામાં 4 ઈંચ, વ્યારામાં 4 ઈંચ, વંથલીમાં 4 ઈંચ અને ગાંધીધામમાં 4 ઈંચ વરસાદ નોંધાયો છે.
Heavy rains are being seen in #Junagadh while in some places a flood-like situation has been created. 150mm of rain has fallen in Junagadh#Gujaratrain #saurasht pic.twitter.com/vfDhY8AmBA
— Weatherman Uttam (@Gujarat_weather) June 29, 2023
જૂનાગઢની ઓઝત નદીમાં ઘોડાપૂર આવ્યું છે. જેને લઈને મટિયાણા ગામમાં પાણી ઘૂસી ગયાં છે. ઓઝત નદીમાં ઘોડાપૂરને કારણે બામણાસા ગામમાં એક મકાન પાણીમાં ધરાશાયી થયું છે.
ડરો નહીં, બધા માટે આધાર-પાન લિંક કરવું ફરજિયાત નથી, આ લોકોને મળી છે છૂટ, જાણો સરકારનો નવો નિયમ
હવામાન વિભાગનાં ડાયરેકટર ડો. મનોરમા મોહંતીએ જણાવ્યું હતું કે, રાજ્યમાં આગામી 24 કલાક લો પ્રેશર અને સાઇક્લોનિક સર્ક્યુલેશનના કારણે વરસાદ રહેશે. આજે સૌરાષ્ટ્ર અને કચ્છના વિસ્તારોમાં ભારે વરસાદ પડવાની સંભાવના રહેલી છે. તો ઉત્તર ગુજરાત અને મધ્ય ગુજરાતમાં આવતીકાલે સામન્ય વરસાદની સંભાવના છે. ત્યારે નવસારી, ડાંગ, તાપી, નર્મદા, ભરૂચ, આણંદમાં ભારે વરસાદની આગાહી રહેલી છે, જ્યારે જામનગર, દ્વારકા, પોરબંદર, અમરેલી, ભાવનગર, રાજકોટમાં ભારે વરસાદની આગાહી રહેલી છે.