Gujarat Weather Forecast : ગુજરાતનું હવામાન (Weather of Gujarat) કેવું રહેશે તે અંગે હવામાનના અમદાવાદ કેન્દ્રના વૈજ્ઞાનિક અભિમન્યુ ચૌહાણ (Abhimanyu Chauhan) દ્વારા માહિતી આપવામાં આવી છે, જેમાં તેમણે રાજ્યમાં વરાસાદનું પ્રમાણ ખુબ જ ઓછું રહેવાની શક્યતા જણાવી છે. ઓગસ્ટમાં ચોમાસું નબળું પડ્યું છે, ત્યારે ચાલુ અઠવાડિયાના આગામી દિવસો તથા સપ્ટેમ્બરની શરુઆતમાં વરસાદ અંગે કોઈ ચેતવણી કે ભારે વરસાદની આગાહી કરવામાં આવી નથી. જૂન અને જુલાઈમાં વરસાદના ધમાકેદાર રાઉન્ટ રહ્યા પછી જાણે મેઘરાજા રિસાયા હોય તેવી સ્થિતિનું નિર્માણ થયું છે.
હવામાન વિભાગના વૈજ્ઞાનિક અભિમન્યુએ મંગળવારે રાજ્યનું હવામાન આગામી દિવસોમાં કેવું રહેશે તે અંગે વાત કરી હતી, જેમાં આજના દિવસ માટે દક્ષિણ ગુજરાતના કેટલાક ભાગોમાં હળવો વરસાદ થવાની શક્યતાઓ છે. જેમાં ડાંગ, નવસારી, તાપી, વલસાડ, દમણ અને દાદરા નગર હવેલીનો સમાવેશ થાય છે.
આ પછી 31 ઓગસ્ટથી સમગ્ર ગુજરાતમાં વરસાદ થવાની સંભાવનાઓ બહુ જ ઓછી છે. આ દરમિયાન રાજ્યનું હવામાન સૂકું રહેવાની શક્યતાઓ હવામાન વિભાગ દ્વારા જણાવવામાં આવી છે. દેશના ગુજરાત સહિતના પૂર્વ તથા અન્ય ભાગોમાંથી ચોમાસું ખેંચાયું હોય તેવી સ્થિતિનું નિર્માણ થયું છે. હવામાન વિભાગે મંગળવારે એક અઠવાડિયાની આગાહી કરી છે, જેમાં રાજ્યમાં કોઈ નવી વરસાદી સિસ્ટમ બનવાની શક્યતાઓ ન હોવાનું જણાવ્યું છે. એટલે ઓગસ્ટની જેમ સપ્ટેમ્બરની શરુઆત પણ નબળી રહેવાની શક્યતાઓ છે.
રાજ્યમાંથી એક તરફ વરસાદ ખેંચાયો છે, ત્યારે ગરમીનું પ્રમાણ પણ વધવાની સંભાવનાઓ જોવાઈ રહી છે. જોકે, હાલ રાજ્યમાં વાદળછાયું વાતાવરણ અને ભેજનું પ્રમાણ વધુ હોવાથી ગરમીનું પ્રમાણ વધ્યું નથી. આ સાથે સામાન્યથી વધુ તાપમાન થવાની સંભાવનાઓ હાલ જોવાઈ રહી નથી.
રક્ષાબંધન પહેલા નાની બહેને મોટા ભાઈને કીડનીનું દાન આપીને જીવ બચાવ્યો, આખા ભારતે દીકરીના વખાણ કર્યા
સોના-ચાંદીના ભાવમાં ફરીથી તોતિંગ વધારો થયો, ખરીદવાનો પ્લાન છે તો જાણી લો એક તોલાના નવા ભાવ
ગુજરાતમાં સિઝનનો અત્યાર સુધીમાં 95.5 ટકા વરસાદ થઈ ચૂક્યો છે. ઓગસ્ટ માસમાં થયેલા નબળા વરસાદ અંગે હવામાન વિભાગે જણાવ્યું કે, ઓગસ્ટમાં ચોમાસું નબળું રહ્યું અને તેની પાછળનું કારણ અલનીનોની અસર છે. પાછલા 10 વર્ષોમાં આ વર્ષે ઓગસ્ટમાં ઓછો વરસાદ નોંધાયો છે. અંબાલાલ પટેલે પણ રાજ્યમાં વરસાદ ગાયબ થયા બાદ ગરમીનું પ્રમાણ વધવાની સંભાવના જણાવી છે. જોકે, તેમણે ગરમી વધવાથી નવી સિસ્ટમો ઉભી થવાની સંભાવનાઓ પણ વ્યક્ત કરી છે.