Ahmedabad News: અમદાવાદમાં આજથી આંતરરાષ્ટ્રીય પતંગ મહોત્સવ 2024નો પ્રારંભ થયો છે. ગુજરાત સરકારના પ્રવાસન વિભાગ દ્વારા 7 થી 14 જાન્યુઆરી, 2024 દરમિયાન આંતરરાષ્ટ્રીય પતંગ મહોત્સવનું આયોજન કરવામાં આવ્યું છે. આ ઈન્ટરનેશનલ કાઈટ ફેસ્ટિવલ-2024નું આજે રવિવારે ગુજરાતના મુખ્યમંત્રી ભૂપેન્દ્ર પટેલ દ્વારા ઉદ્ઘાટન કરવામાં આવ્યું છે.
#WATCH | Gujarat: Participants bring in kites with images of Lord Ram for the International Kite Festival organised in Ahmedabad. pic.twitter.com/EOgL4uIP54
— ANI (@ANI) January 7, 2024
આ પતંગ મહોત્સવમાં ભગવાન રામના ચિત્ર વાળો વિશાળ પતંગ આકર્ષણનું કેન્દ્ર બન્યો હતો. હાલ રામ મંદિરનો પ્રાણ પ્રતિષ્ઠા મહોત્સવ નજીક છે ત્યારે અમદાવાદના પતંગ મહોત્સવ પણ રામમય બન્યું હતું. આ સિવાય વિવિધ પ્રકાર અને આકારના નાનામોટા પતંગથી અમદાવાદનું આકાશ છવાયું હતુ.
Gujarat CM Bhupendra Patel participates in the International Kite Festival in Ahmedabad.#InternationalKiteFestival #Ahmedabad pic.twitter.com/0kXh4hfIqF
— Jan Ki Baat (@jankibaat1) January 7, 2024
55 દેશોના 153 પતંગબાજો કરતબ બતાવશે
આ તંગ મહોત્સવમાં 55 દેશોના 153 પતંગબાજો ભાગ લઈ રહ્યા છે. જેમાં 12 રાજ્યોમાંથી 68 અને ગુજરાતમાંથી 865 લોકો ભાગ લઈ રહ્યા છે. આ પતંગ મહોત્સવમાં ફ્રાન્સ, તુર્કી, યુક્રેન, સ્પેન, શ્રીલંકા, થાઈલેન્ડ સહિતના અનેક દેશોના પતંગબાજો ભાગ લેશે. અમદાવાદની સાથે રાજકોટ, સુરત, વડોદરા અને વડનગરમાં પણ આ ફેસ્ટિવલનું આયોજન કરવામાં આવ્યું છે.
#WATCH | Gujarat: CM Bhupendra Patel attends the International Kite Festival organised in Ahmedabad. pic.twitter.com/ZyjOraFs1b
— ANI (@ANI) January 7, 2024
પતંગ મહોત્સવની સાથે અહીં હસ્તકલા અને ખાણીપીણીના સ્ટોલ પણ ઉભા કરવામાં આવ્યા છે. આ ઉપરાંત પતંગ મહોત્સવ દરમિયાન આંતરરાષ્ટ્રીય અને રાષ્ટ્રીય પતંગબાજો દ્વારા આયોજિત પરેડનું આયોજન કરવામાં આવ્યું છે. આ ઉપરાંત 7 થી 13 જાન્યુઆરી દરમિયાન પતંગ મહોત્સવ દરમિયાન દરરોજ સાંજે 7 થી 9 વાગ્યા સુધી સાંસ્કૃતિક કાર્યક્રમોનું પણ આયોજન કરવામાં આવ્યું છે.
8 જાન્યુઆરીએ વડોદરા, 9 જાન્યુઆરીએ એકતાનગર અને દ્વારકા, 10 જાન્યુઆરીએ સુરત અને રાજકોટ, 11 જાન્યુઆરીએ ધોરડો અને વડનગર અને 12 જાન્યુઆરીએ નડાબેટમાં પણ પતંગોત્સવનું આયોજન કરવામાં આવ્યું છે.