શક્તિસિહ ગોહિલને ગુજરાત કોંગ્રેસની કમાન મળી, દીપક બાવરિયાને આ બે રાજ્યોના પ્રભારી બનાવ્યાં, જાણો કોંગ્રેસની ગેમ

કોંગ્રેસના ગુજરાત એકમના પ્રમુખ તરીકે શક્તિસિંહ ગોહિલની નિમણૂક કરવામાં આવી છે. કોંગ્રેસના નેતા દીપક બાવરિયાને દિલ્હી કોંગ્રેસ અને હરિયાણા કોંગ્રેસના પ્રભારી બનાવવામાં આવ્યા છે. કોંગ્રેસે વી વૈથિલિંગમની પુડુચેરી એકમના પ્રમુખ તરીકે અને વર્ષા ગાયકવાડને મુંબઈ એકમના પ્રમુખ તરીકે નિયુક્ત કર્યા છે.

પક્ષના સૂત્રોના જણાવ્યા અનુસાર, કોંગ્રેસના કેન્દ્રીય નેતૃત્વએ ગુજરાતમાં મહત્વના ટોચના હોદ્દા પર ચર્ચા માટે રાજ્યના નેતાઓને બોલાવ્યા હતા. ગુરુવારે (8 જૂન) ગુજરાત કોંગ્રેસના ટોચના નેતાઓ કેન્દ્રીય નેતૃત્વને મળવા દિલ્હી પહોંચ્યા હતા. આ પછી શુક્રવારે (9 જૂન) ત્રણ રાજ્યોના પ્રદેશ અધ્યક્ષ અને બે રાજ્યોના પ્રભારીઓની નિમણૂકની માહિતી સામે આવી છે.

અગાઉ જગદીશ ઠાકોર ગુજરાત કોંગ્રેસના પ્રમુખ હતા

જગદીશ ઠાકોરના સ્થાને શક્તિસિંહ ગોહિલ ગુજરાત કોંગ્રેસ પ્રમુખ બનશે. ઉલ્લેખનીય છે કે, 2022ની ગુજરાત વિધાનસભાની ચૂંટણીમાં કોંગ્રેસની ખરાબ હાર બાદ જગદીશ ઠાકોરે પ્રમુખ પદ છોડવાની ઓફર કરી હતી. કોંગ્રેસને ચૂંટણીમાં 182માંથી માત્ર 17 બેઠકો મળી હતી.

આ પણ વાંચો

કેરળમાં ચોમાસાની ધમાકેદાર એન્ટ્રી, હવે આખા દેશમાં આ રીતે અને આ પ્રમાણે મેઘરાજા ધબધબાટી બોલાવશે

અંબાલાલની આગાહીથી ગુજરાતીઓ ડર્યા, કહ્યું- વાવાઝોડું આવે કે ના આવે બાકી ગુજરાતમાં એવી અસર થશે કે…..

ઘટાડા પછી ચાંદીમાં તોતિંગ વધારો, સોનાના ભાવે પણ ધંધે લગાડ્યા, એક તોલાના ભાવ સાંભળીને હાજા ગગડી જશે

તે જ સમયે, કોંગ્રેસના ગુજરાત પ્રભારી રઘુ શર્માએ પણ હારની નૈતિક જવાબદારી લેતા હોદ્દા પરથી રાજીનામું આપી દીધું હતું. જો કે ત્યાં પ્રભારીની જવાબદારી નિભાવવામાં આવી રહી છે.