વડોદરાથી વધારે એક કિસ્સો સામે આવ્યો છે લવ જેહાદનો. આ કિસ્સો થોડો અલગ છે, કારણ કે વિધર્મી યુવાને આ વખતે હદ વટાવી દીધી છે. તું મને દુષ્કર્મ કરવા દે, નહીં તો ફોટો-વીડિયો વાઇરલ કરી દઈશ,’ તેવી ધમકી આપીને દુષ્કર્મ આચર્યું હોવાની ફરિયાદ કરજણ પોલીસ સ્ટેશનમાં નોંધાઈ છે. આ ફરિયાદ પાછળ ખુબ મોટી કહાની છે. હોસ્પિટલને લગતા કોર્સ દરમિયાન થયેલા પ્રેમનો દુરુપયોગ કરીને યુવાને પ્રેમિકાને ફસાવી હતી અને પછી એક નહીં બે બે વખત શારીરિક સંબંધો બાંધ્યા હતા.
વિગતે વાત કરવામાં આવે તો પોલીસ ફરિયાદમાં આક્ષેપ કરાયો છે કે યુવાનની વાતોમાં આવીને યુવતીએ વીડિયો કોલિંગ દરમિયાન બાથરૂમમાં જઈને પ્રાઇવેટ પાર્ટ્સ બતાવ્યા હતા. વીડિયો કોલિંગ પર બતાવેલા પ્રાઇવેટ પાર્ટ્સના ફોટો-વીડિયોના સ્ક્રીન શોટ્સ લઈને યુવાને આ વાતનો ફાયદો લીધો અને પછી બ્લેકમેઇલ કરીને દુષ્કર્મ આચર્યું હતું. પોલીસે હવસખોર યુવાનની ધરપકડનાં ચક્રો ગતિમાન કર્યાં છે અને આગળ કાર્યવાહી શરૂ થઈ છે. પોલીસ સ્ટેશનમાં નોંધાયેલી ફરિયાદમાં એવી પણ વિગતો છે કે વર્ષ-2020માં કામિની (નામ બદલ્યું છે) હોસ્પિટલનો અભ્યાસ કરતી હતી. એ સમયે ભરૂચ જિલ્લાના પાલેજનો ઇઝહાર દીવાન પણ કામિની સાથે જ નર્સિંગનો કોર્સ કરી રહ્યો હતો.
હવે બને છે એવું કે અભ્યાસ દરમિયાન બંને વચ્ચે મિત્રતા થી અને સમય જતાં પ્રેમ થયો. અવારનવાર બંને વચ્ચે ફોન પર વાતો થતી હતી. ઇઝહારે પોતાનો બદ ઇરાદો પૂરો પાડવા માટે કામિનીને પ્રાઇવેટ પાર્ટ્સ બતાવવા માટે દબાણ શરૂ કર્યું, પરંતુ કામિની રાજી ન થઈ. એક દિવસ ઇઝહારે કામિનીને ફોન કરીને જણાવ્યું કે “તું મને બહુ ગમે છે. તું તારા પ્રાઇવેટ ફોટા મોકલવામાં શું વાંધો છે. આ બધું અત્યારના જમાનામાં સામાન્ય છે. તારે ફોટો મોકલવા ન હોય તો તો તું મને વીડિયો કોલ પર બતાવ એ પણ ચાલશે. હું જોઇને ડિલિટ કરી દઇશ અને આ વાતની કોઈને ખબર પણ નહીં પડે.
હવે કામિની પણ ઇઝહારની વાતોમાં આવી ગઈ અને બાથરૂમમાં જઈને ઇઝહારે જણાવ્યું તેમ વીડિયો કોલ દરમિયાન પોતાના પ્રાઇવેટ પાર્ટ બતાવ્યા. હવે ઇઝહાર પાસે કામિનીના ફોટો-વીડિયો આવી ગયા બાદ ઇઝહારે કામિનીને બ્લેકમેઇલ કરવાનું શરૂ કરી દીધું. એક દિવસ ઇઝહારે કામિનીને કહ્યું, તારા ફોટો-વીડિયોના મેં સ્ક્રીન શોટ્સ લઇ લીધા છે. હું કહું તેમ તારે કરવું જ પડશે. બે માસ પહેલાં કામિની નોકરીથી ઘરે જઇ રહી હતી એ સમયે ઇઝહાર ગાડી લઇને તેની પાસે પહોંચી ગયો હતો અને કામિનીને ગાડીમાં બેસાડી કરજણના બ્રિજ પાસેની એકાંત જગ્યામાં લઇ જઈ સંભોગ કર્યો.
જો કે કામિનીએ પણ એવું જ વિચાર્યું કે ઇઝહારને ગમે તેમ કરીને સમજાવી દઈશ અને ફોટો-વીડિયો ડિલિટ કરાવી દઇશ. પરંતુ કામિનીને ખબર ન હતી કે ઇઝહાર તેને ફોટો-વીડિયો વાઇરલ કરી દેવાની ધમકી આપી દુષ્કર્મ આચરશે. ઇઝહારે એ જ કર્યું. સાથે જ ઇઝહારે કામિની નોકરી પર હતી એ દરમિયાન ફોન કરીને રેલવે સ્ટેશન પાછળ બોલાવી હતી અને એ-વન નામના ગેસ્ટ હાઉસમાં લઈ જઈ દુષ્કર્મ આચર્યું હતું. અવાર-નવાર બ્લેકમેઇલ કરીને દુષ્કર્મ આચરવા માટે મજબૂર કરી રહેલા ઇઝહાર દીવાન અંગેની વાત કામિનીએ પોતાનાં માતા-પિતાને કરી હતી. માતા-પિતાએ દીકરીને હિંમત આપી કરજણ પોલીસ મથકમાં લઈ ગયાં હતાં અને ફરિયાદ નોંધાવી હતી.