હાલમાં એક ખુબ મોટા સમાચાર સામે આવી રહ્યા છે અને જેના કારણે દર્દીઓને ભોગવવાનો વારો આવી શકે છે. કારણ કે હાલમાં જ માહિતી સામે આવી છે કે ઈન્ડિયન મેડિકલ એસોસિયેશને મોટી જાહેરાત કરી છે. તેમાં રાજ્યની તમામ ખાનગી હોસ્પિટલ આજે બંધ રહેવાનું સામે આવ્યું છે. જો કે વધારે વાંધો એ વાતનો છે કે સાથે સાથે OPD, ઈમરજન્સી સહિતની તમામ સારવાર બંધ રહેશે. તેમજ ગુજરાતમાં પહેલીવાર ઈમરજન્સી સારવાર બંધ થશે જેનાથી હાહાકાર મચી ગયો છે.
તો વળી બીજી બાજુ આ હડતાળમાં ફાયર NOC અને ICU નિયમો સહિત આદેશોનો વિરોધ કરવામાં આવી રહ્યો છે. રાજ્યભરમાં એક દિવસની હડતાળ છે. જેમાં એકસાથે હજારો હોસ્પિટલોમાં કંઈ જ કામ નહીં થાય. તથા ગુજરાતમાં ખાનગી હોસ્પિટલનાં 40 હજારથી વધુ ડોક્ટરો પણ હડતાળ પર ઉતર્યા હોવાનું સામે આવ્યું છે. રાજ્યમાં આ મોટી હડતાળના કારણે 30 હજારથી વધુ સર્જરી અટકી પડશે એ વાતથી તો માણસ માત્રને ધ્રુજારી ઉપડી જશે, એટલું જ નહીં ખાનગી હોસ્પિટલોએ OPD અને ઈમર્જન્સી સેવા પણ બંધ રાખવાનો નિર્ણય કર્યો છે.
આ બધી જ તકલીફોના કારણે દર્દીઓને સરકારી હોસ્પિટલો તરફ જ વળવુ પડશે. એના સિવાય કોઈ છુટકો જ નથી. ICU ગ્રાઉન્ડ ફ્લોર પર રાખવા બાબતે ઇન્ડિયન મેડિકલ એસોસિયેશનની ગુજરાત બ્રાન્ચ દ્વારા આજે હડતાળનું એલાન આપવામાં આવ્યું છે. સાથે જ માહિતી સામે આવી રહી છે કે અમદાવાદ મ્યુનિસિપલ કોર્પોરેશનના ફાયર વિભાગ દ્વારા ICUમાંથી ગ્લાસ દૂર કરવા મામલે આપવામાં આવેલા નિર્દેશ બાદ ડોકટરોમાં રોષ ફેલાયો છે. સાયન્ટિફિક રીતે ICU ગ્રાઉન્ડ ફ્લોર પર રાખવા શક્ય નથી અને બારીઓના કાચ દૂર કરવાના વિરોધમાં ઇન્ડિયન મેડિકલ એસોસિયેશન, ગુજરાત બ્રાન્ચ દ્વારા આજે હડતાળનું એલાન આપવામાં આવ્યું છે. તો વળી સુરત, આઈએમએના 3700થી વધુ ડોક્ટર આજે હડતાળ પાડી ફાયર એનઓસી અને આઇસીયુના નિયમોનો વિરોધ કરી રહ્યા છે.