સરકાર દ્વારા ઘણી યોજનાઓ ચલાવવામાં આવે છે, જે અંતર્ગત ગરીબ પરિવારોને મદદ કરવામાં આવે છે. આજે અમે આવી જ એક સ્કીમ વિશે જાણકારી આપવા જઈ રહ્યા છીએ, જે છોકરીઓને આર્થિક મદદ કરે છે. આ સરકારી યોજના પરિવારની બે દીકરીઓને આર્થિક મદદ કરે છે. જો એક પરિવારમાં ત્રણ છોકરીઓ હોય તો ત્રીજી છોકરીને આ યોજનાનો લાભ નહીં મળે.
આ યોજનાનું નામ છે મુખ્ય મંત્રી કન્યા સુરક્ષા યોજના, જે બિહાર સરકાર દ્વારા ચલાવવામાં આવે છે અને આ યોજના 22 નવેમ્બર 2007ના રોજ શરૂ કરવામાં આવી હતી. તેનો લાભ ગરીબી રેખા નીચે રહેતા પરિવારોને આપવામાં આવે છે.
આ યોજના હેઠળ, બિહાર સરકાર યુકો અને આઈડીબીઆઈ બેંકની ફિક્સ ડિપોઝિટમાં છોકરીના નામ પર 2000 રૂપિયાનું રોકાણ કરે છે. જ્યારે છોકરી 18 વર્ષની થાય ત્યારે જમા રકમ આપવામાં આવે છે. તમે આ યોજના હેઠળ ઑફલાઇન અરજી કરી શકો છો. તમે આંગણવાડી કેન્દ્રની મુલાકાત લઈને ફોર્મ ભરી અને સબમિટ કરી શકો છો.
OMG! ભારતીય મહિલાઓ પાસે ઘરના કબાટમાં છે 100 લાખ કરોડનુ સોનુ, વિશ્વની ટોચની 5 બેંકો કરતાં પણ વધારે
આ સિવાય તમે https://wcdc.bihar.gov.in પર જઈને અરજી કરી શકો છો. બિહારના રહેવાસીઓ જ મુખ્યમંત્રી કન્યા સુરક્ષા યોજના હેઠળ અરજી કરી શકે છે. તેમજ આ યોજના હેઠળ એક પરિવારની માત્ર બે દીકરીઓને જ લાભ આપવામાં આવે છે. આ યોજના બિહાર સરકાર દ્વારા સ્ત્રી ભ્રૂણ હત્યા રોકવા, લિંગ ગુણોત્તરમાં સુધારો કરવા અને જન્મની નોંધણીને પ્રોત્સાહિત કરવા માટે શરૂ કરવામાં આવી હતી.