Business News: દેશભરમાં પેટ્રોલ અને ડીઝલના ભાવમાં લગભગ 2 રૂપિયાનો ઘટાડો કરવામાં આવ્યો છે. જેના કારણે દરેક રાજ્ય અને કેન્દ્રશાસિત પ્રદેશોમાં પેટ્રોલ અને ડીઝલના ભાવમાં ઘટાડો થયો છે. લગભગ 22 મહિના પછી પ્રથમ વખત કિંમતમાં ઘટાડો કરવામાં આવ્યો છે.
દિલ્હીમાં હવે પેટ્રોલ 94.72 રૂપિયા અને ડીઝલ 87.62 રૂપિયા થઈ ગયું છે. ઘટાડા પછી પણ દેશના ઘણા રાજ્યોમાં પેટ્રોલ અને ડીઝલ 100 રૂપિયાની ઉપર ઉપલબ્ધ છે. પરંતુ આજે અમે તમને જણાવી રહ્યા છીએ કે દેશમાં સૌથી સસ્તું પેટ્રોલ અને ડીઝલ ક્યાં મળે છે. બહુ ઓછા લોકો જાણતા હશે કે દેશમાં સૌથી સસ્તું પેટ્રોલ અને ડીઝલ આંદામાન અને નિકોબાર ટાપુઓમાં ઉપલબ્ધ છે.
અહીં પેટ્રોલ દિલ્હી કરતાં લગભગ 12 રૂપિયા સસ્તું છે. આંદામાન અને નિકોબાર ટાપુઓ કેન્દ્રશાસિત પ્રદેશ છે. તાજેતરના ઘટાડા પછી અહીં પેટ્રોલની કિંમત 82.42 રૂપિયા અને ડીઝલની કિંમત 78.01 રૂપિયા પ્રતિ લિટર છે. ભાવ ઘટાડા છતાં પેટ્રોલની કિંમત 84.10 રૂપિયા પ્રતિ લીટર અને ડીઝલની કિંમત 79.74 રૂપિયા પ્રતિ લીટર હતી.
એટલે કે ત્યાં પેટ્રોલ 1.68 રૂપિયા અને ડીઝલ 1.73 રૂપિયા પ્રતિ લીટર સસ્તું થયું છે. કારની ટાંકી 35-40 લિટરની હોય છે. આ સંદર્ભમાં, જો દિલ્હીવાસીઓ તેમની કારની ટાંકી ત્યાં ભરે તો તેઓ 500 રૂપિયા સુધીની બચત કરી શકે છે.
સૌથી મોંઘુ પેટ્રોલ અને ડીઝલ ક્યાં મળે છે?
દેશમાં સૌથી મોંઘુ પેટ્રોલ આંધ્રપ્રદેશના શ્રીકાકુલમમાં મળે છે. અહીં પેટ્રોલની કિંમત 110.68 રૂપિયા છે. અહીંના અન્ય શહેરોમાં પણ પેટ્રોલ 100 રૂપિયાથી વધુમાં મળે છે. એ જ રીતે મહારાષ્ટ્ર, કેરળ, કર્ણાટક, બિહાર અને રાજસ્થાનમાં પેટ્રોલની કિંમત 100 રૂપિયા પ્રતિ લિટરથી વધુ છે. રાજસ્થાનનું ગંગાનગર મોંઘા પેટ્રોલ માટે પણ જાણીતું છે. અહીં પેટ્રોલ 106.29 રૂપિયા પ્રતિ લીટરના ભાવે મળે છે.
શા માટે કિંમત્ત અલગ અલગ હોય ?
દરેક રાજ્ય અને કેન્દ્રશાસિત પ્રદેશમાં પેટ્રોલ અને ડીઝલના ભાવ અલગ અલગ હોય છે. આવું એટલા માટે થાય છે કારણ કે દરેક રાજ્ય પોતાના નિયમ મુજબ ઇંધણ પર વેટ અને સેસ લાદે છે.
જો તેને GSTમાં સામેલ કરવામાં આવે તો ટેક્સનો દર એકસમાન થઈ જશે અને પછી શક્ય છે કે સમગ્ર દેશમાં પેટ્રોલ અને ડીઝલના ભાવ એક સરખા થઈ જશે. જોકે, સરકારની હાલમાં પેટ્રોલ અને ડીઝલને GST હેઠળ લાવવાની કોઈ યોજના નથી.