Delhi Flood News Update: દિલ્હીમાં પૂરના પાણીમાં ઘટાડો થવા દરમિયાન સાપ જોવાની ઘટનાઓમાં વધારો થતાં, સરકારે મંગળવારે પરિસ્થિતિનો સામનો કરવા માટે ઝડપી પ્રતિસાદ ટીમ બનાવવાનો નિર્ણય કર્યો. એક અધિકારીના જણાવ્યા અનુસાર પ્રથમ વખત આવી ટીમની રચના કરવાનો નિર્ણય લેવામાં આવ્યો છે.આ પગલું તાજેતરના પૂરની ગંભીરતાને દર્શાવે છે.આ દરમિયાન દિલ્હીમાં યમુનાના જળ સ્તરે ચાર દાયકાનો રેકોર્ડ તોડ્યો હતો.
પર્યાવરણ મંત્રી ગોપાલ રાયે કહ્યું કે ક્વિક રિસ્પોન્સ ટીમો દિલ્હીના પૂર પ્રભાવિત વિસ્તારોમાં કામ કરશે અને સાપ સંબંધિત ચિંતાઓને દૂર કરશે.વન વિભાગે સાપ જોવાની ઘટનાઓ વિશે માહિતી આપવા અને તાત્કાલિક સહાય પૂરી પાડવા માટે હેલ્પલાઇન નંબર શરૂ કર્યો છે.
એક નિવેદનમાં કહેવામાં આવ્યું છે કે છેલ્લા કેટલાક દિવસોમાં ઘરોમાંથી સાપ નીકળવાના ઘણા અહેવાલો છે, જેના કારણે રહેવાસીઓ માટે ખતરો ઉભો થયો છે.પૂર રાહત શિબિરો પાસે સાપ જોવા મળતાં ચિંતા વધી છે.એક અધિકારીએ જણાવ્યું કે આસોલા ભાટી વન્યજીવ અભયારણ્યમાં જૂના રેલ્વે બ્રિજની આસપાસના વિસ્તારોમાંથી 25 થી વધુ સાપોને પકડીને છોડવામાં આવ્યા છે.
સહારામાં ફસાયેલા નાણાં આટલા દિવસોમાં મળી જશે, રોકાણકારોએ પોર્ટલ પર અરજી કરવી પડશે, જાણો પ્રક્રિયા
ખાતામાં 10 હજાર પણ નહોતા અને ATMમાંથી 9 કરોડ રૂપિયા ઉપાડી ગયા! જોરદાર અય્યાશી કરી અને પછી…
દિલ્હીના ચીફ વાઇલ્ડલાઇફ વોર્ડન સુનીશ બક્ષીએ જણાવ્યું હતું કે જ્યારે પૂર અથવા વરસાદી પાણી સાપ અને અન્ય સરિસૃપના કુદરતી રહેઠાણમાં પ્રવેશે છે, ત્યારે તેઓ સૂકા વિસ્તારોની શોધ કરે છે. દિલ્હીમાં પૂર દરમિયાન મળી આવેલા મોટાભાગના સાપ ઝેરીલા નથી. કેટલાક કોબ્રા અને કારૈત સાપ પણ મળી આવ્યા છે.