ઓઈલ માર્કેટિંગ કંપનીઓએ આજથી કોમર્શિયલ એલપીજી સિલિન્ડરના ભાવમાં વધારો કર્યો છે. ઘરેલુ એલપીજી સિલિન્ડરની કિંમતોમાં કોઈ ફેરફાર કરવામાં આવ્યો નથી. હવે કોમર્શિયલ ગેસ સિલિન્ડરની કિંમતમાં 48.50 રૂપિયાનો વધારો થઈ ગયો છે. જોકે 14.2 કિલોના ઘરેલુ ગેસ સિલિન્ડરની કિંમતમાં કોઈ ફેરફાર કરવામાં આવ્યો નથી. ઈન્ડિયન ઓઈલ કોર્પોરેશન લિમિટેડ (IOCL)ની વેબસાઈટ અનુસાર નવા દર આજથી લાગુ થઈ ગયા છે.
કોમર્શિયલ સિલિન્ડરની કિંમતમાં 48.50 રૂપિયાનો વધારો કરવામાં આવ્યો છે. દિલ્હીમાં હવે 19 કિલોનો સિલિન્ડર 1740 રૂપિયામાં મળશે, જ્યારે પહેલા તેની કિંમત 1691 રૂપિયા હતી. કોલકાતામાં તેની કિંમત 1850.50 રૂપિયા થઈ ગઈ છે, જે પહેલા 1802 રૂપિયા હતી. મુંબઈમાં તે 1692.50 રૂપિયા અને ચેન્નાઈમાં 1903 રૂપિયા થઈ ગયો છે.
ઘરેલું ગેસ સિલિન્ડરનો દર સ્થિર
14.2 કિલોના ઘરેલુ એલપીજી સિલિન્ડરની કિંમતમાં કોઈ ફેરફાર કરવામાં આવ્યો નથી. આ સિલિન્ડર દિલ્હીમાં 803 રૂપિયા, કોલકાતામાં 829 રૂપિયા, મુંબઈમાં 802.50 રૂપિયા અને ચેન્નાઈમાં 818.50 રૂપિયામાં ઉપલબ્ધ છે. ઉજ્જવલા યોજનાના લાભાર્થીઓ માટે દિલ્હીમાં ઘરેલુ સિલિન્ડરની કિંમત 603 રૂપિયા છે.
પહેલા શું ભાવ હતા?
1 સપ્ટેમ્બર 2024ના રોજ દિલ્હીમાં કોમર્શિયલ સિલિન્ડરની કિંમત 1691 રૂપિયા, કોલકાતામાં 1802 રૂપિયા, મુંબઈમાં 1644 રૂપિયા અને ચેન્નાઈમાં 1855 રૂપિયા હતી. ઓગસ્ટમાં આ કિંમતો દિલ્હીમાં 1652.50 રૂપિયા, કોલકાતામાં 1764.50 રૂપિયા, મુંબઈમાં 1605 રૂપિયા અને ચેન્નાઈમાં 1817 રૂપિયા હતી.
જો તમારે 32 દાંત હોય તો રાજાની જેમ મળશે ત્રણેય લોકના સુખ! જાણો 28, 29 અને 30 વાળાનું શું થાય?
માર્ચમાં ઘરેલુ સિલિન્ડરના ભાવમાં ઘટાડો
આ વર્ષે ઓઈલ માર્કેટિંગ કંપનીઓએ કોમર્શિયલ એલપીજી સિલિન્ડરના ભાવમાં ઘણી વખત વધારો કર્યો છે. લાંબા સમયથી ઘરેલું ગેસ સિલિન્ડરની કિંમતમાં કોઈ ફેરફાર કરવામાં આવ્યો નથી. કેન્દ્ર સરકાર દ્વારા મહિલા દિવસ પર મોટી રાહત આપવામાં આવી છે. આ વર્ષે માર્ચ મહિનામાં સરકારે ઘરેલુ એલપીજી સિલિન્ડરની કિંમતમાં 100 રૂપિયા સુધીનો ઘટાડો કર્યો હતો.