એક ચોંકાવનારી ઘટનામાં ગર્લફ્રેન્ડ સાથે હોટેલમાં ગયેલા ૨૮ વર્ષના યુવકનું હાર્ટઅટેકથી મોત થયું છે. પ્રાપ્ત વિગતો અનુસાર, યુવક ગર્લફ્રેન્ડ સાથે ફિઝિકલ હતો ત્યારે જ તેને અટેક આવી ગયો હતો. અજય પરતેકી નામના આ યુવકને છેલ્લા કેટલાક દિવસોથી તાવ આવતો હોવાનું તેના પરિવારજનોએ જણાવ્યું હતું. જે યુવતી સાથે તે હોટેલમાં ગયો હતો તેની સાથે તેના થોડા સમયમાં લગ્ન થવાના હતા. બંને ફેસબુક પર એકબીજાને મળ્યા હતા, અને તેમના પરિવારજનોને પણ તેમના સંબંધો વિશે જાણ હતી.
મૃતક અજયે કોઈપણ પ્રકારનું ડ્રગ લીધું હોવાનો પોલીસે ઈનકાર કર્યો છે. તેની ગર્લફ્રેન્ડની ઉંમર ૨૩ વર્ષની છે, જે મધ્યપ્રદેશના છીંદવાડાની રહેવાસી છે. બંનેની મુલાકાત ફેસબુક પર થઈ હતી. અજયની ગર્લફ્રેન્ડ એક હોસ્પિટલમાં નર્સ તરીકે ફરજ બજાવે છે. બંને એકબીજાને ત્રણ વર્ષથી ઓળખતા હતા. અજયે ગર્લફ્રેન્ડની માતા સાથે મુલાકાત કરીને લગ્ન અંગે વાત પણ કરી હતી. બંનેના પરિવારજનોને પણ આ સંબંધો સામે કોઈ વાંધો નહોતો.
પોલીસના જણાવ્યા અનુસાર, કપલે સોમવારે સાંજે ચાર વાગ્યે હોટેલમાં ચેકઈન કર્યું હતું. અડધો કલાક બાદ જ્યારે અજય અને તેની ગર્લફ્રેન્ડ ફિઝિકલ થયા હતા ત્યારે અજય અચાનક જ ફસડાઈ પડ્યો હતો. તેને આ હાલતમાં જાેઈ તેની ગર્લફ્રેન્ડ ડરી ગઈ હતી, અને તેણે તાત્કાલિક હોટેલના મેનેજરને જાણ કરી હતી. આખરે તેને હોસ્પિટલ લઈ જવાયો હતો જ્યાં ડોક્ટરે તેને મૃત જાહેર કર્યો હતો. અજય સાથે શું થયું તેની વિગતો તેની ગર્લફ્રેન્ડે પોલીસને આપી હતી. પોલીસે રુમની પણ જડતી લીધી હતી, જેમાંથી કોઈ ડ્રગ કે દવા મૃતકે લીધી હોય તેવા કોઈ પુરાવા નહોતા મળ્યા.મૃતકના પીએમ રિપોર્ટમાં તેના મોતનું પ્રાથમિક કારણ હાર્ટઅટેક જણાવાયું છે.
આ અંગે નાગપુરના જાણીતા કાર્ડિયોલોજિસ્ટ ડૉ. આનંદ સનચેતીએ જણાવ્યું હતું કે, સેક્સ કરતી વખતે હાર્ટઅટેક આવવાની ઘટના દુર્લભ છે, પરંતુ અશક્ય નથી. અગાઉ ધ્યાનમાં ના આવેલી હ્રદયની કેટલીક ખામી ૨૫-૩૦ વર્ષની વય ધરાવતા યુવાનોમાં પણ જીવલેણ સાબિત થઈ શકે છે. વળી, હાલના દિવસોમાં યુવાવયના લોકોના હાર્ટમાં બ્લોકેજ મળવાનું પ્રમાણ દિવસેને દિવસે વધી રહ્યું છે.
તેમણે યુવાનોને ૨૫ વર્ષની વય બાદ નિયમિત હાર્ટ ચેકઅપ કરાવવા પણ સલાહ આપી હતી. ડૉક્ટરના જણાવ્યા અનુસાર, સેક્સ કે પછી બીજી કોઈ ફિઝિકલ એક્ટિવિટી કરતી વખતે હાર્ટના મસલ્સને વધારે ઓક્સિજન અને લોહી જાેઈએ છે. જાે તે ના મળી શકે તો હાર્ટઅટેક આવી શકે છે. વળી, આવી ફિઝિકલ એક્ટિવિટીમાં હ્રદયના ધબકારા અને બ્લડ પ્રેશર વધે છે, જેનાથી પણ મોત થઈ શકે છે.