આખા દેશમા આ રાજ્યના ધારાસભ્યો છે સૌથી અમીર, તમારા ધારાસભ્યને કેટલો પગાર મળે છે તે જાણવુ હોય તો ચેક કરી લો આ લીસ્ટ

Share this Article

દિલ્હી વિધાનસભાએ સોમવારે ધારાસભ્યોના પગાર અને ભથ્થાને બમણા કરવાનું બિલ પસાર કર્યું છે. આમ આદમી પાર્ટી (AAP)ના નેતૃત્વવાળી દિલ્હી સરકારે કહ્યું કે દિલ્હીના ધારાસભ્યોનો પગાર દેશમાં સૌથી ઓછો છે. ગત વખતે જ્યારે દિલ્હીના ધારાસભ્યોના પગાર વધારવાનું બિલ વિધાનસભામાં રજૂ કરવામાં આવ્યું હતું ત્યારે તેની ખૂબ ટીકા થઈ હતી. દિલ્હી સરકારના કાયદા, ન્યાય અને કાનૂની બાબતોના મંત્રી, કૈલાશ ગેહલોતે મંત્રીઓ, ધારાસભ્યો, સ્પીકર, ડેપ્યુટી સ્પીકર, વિરોધ પક્ષના નેતા અને મુખ્ય દંડકના પગારમાં વધારો કરવા માટે એક બિલ રજૂ કર્યું.

દિલ્હીમાં એક ધારાસભ્યને હાલમાં પગાર અને ભથ્થાં તરીકે દર મહિને 54,000 રૂપિયા મળે છે, જે હવે વધારીને 90,000 રૂપિયા કરવામાં આવશે. સુધારેલા પગાર અને ભથ્થાંના વિભાજનમાં મૂળભૂત પગાર – રૂ. 30,000, મતવિસ્તાર ભથ્થું – રૂ. 25,000, સચિવાલય ભથ્થું – રૂ. 15,000, ટેલિફોન ભથ્થું – રૂ. 10,000, પરિવહન ભથ્થું – રૂ. 10,000નો સમાવેશ થાય છે. કેન્દ્રીય ગૃહ મંત્રાલયે મે મહિનામાં દિલ્હી સરકારને ધારાસભ્યોના પગાર અને ભથ્થાંમાં સુધારો કરવા માટે વિધાનસભામાં વિધાનસભ્ય દરખાસ્ત રજૂ કરવા માટે તેની પૂર્વ મંજૂરી આપી હતી.

માસિક પગાર ઉપરાંત ધારાસભ્યને વિસ્તારના વિકાસ માટે એક રકમ આપવામાં આવે છે જે દર વર્ષે 1 કરોડથી 8 કરોડ રૂપિયા સુધીની હોય છે. દિલ્હી સરકારનો દાવો છે કે દિલ્હીના ધારાસભ્યોનો પગાર દેશમાં સૌથી ઓછો છે. સોમવારે આમ આદમી પાર્ટી દ્વારા એક ટ્વિટ પણ કરવામાં આવ્યું છે જેમાં દેશના અલગ-અલગ રાજ્યોના ધારાસભ્યોના પગાર વિશે માહિતી આપવામાં આવી છે. AAPના ટ્વિટ મુજબ તેલંગાણાના ધારાસભ્યોનો પગાર સૌથી વધુ છે. પગાર અને ભથ્થા સહિત તેને દર મહિને 2.50 લાખ રૂપિયા મળે છે.

*કયા રાજ્યના ધારાસભ્યોને કેટલો પગાર મળે છે?

તેલંગાણા – રૂ. 2.5 લાખ

મહારાષ્ટ્ર – રૂ. 2.32 લાખ

કર્ણાટક – રૂ. 2.05 લાખ

ઉત્તર પ્રદેશ – રૂ. 1.87 લાખ

ઉત્તરાખંડ – રૂ. 1.60 લાખ

આંધ્ર પ્રદેશ – રૂ. 1.30 લાખ

હિમાચલ પ્રદેશ – રૂ. 1.25 લાખ

રાજસ્થાન – રૂ. 1.25 લાખ

ગોવા – રૂ. 1.17 લાખ

હરિયાણા – રૂ. 1.15 લાખ

પંજાબ – રૂ. 1.14 લાખ