પાણીની બોટલો બાદ હવે રેલવેએ વેઇટિંગ ટિકિટના નિયમોમાં કર્યો મોટો ફેરફાર, મુસાફરોને બખ્ખાં જ બખ્ખાં!!

Business News: ઘણી વખત તમારી વેઇટિંગ ટિકિટ કન્ફર્મ નહીં થાય. આવી સ્થિતિમાં તે ટિકિટ રેલવે દ્વારા રદ કરવામાં આવે છે. ટિકિટ કેન્સલેશનના નામે મુસાફરો પાસેથી સુવિધા ફીના નામે મોટો ચાર્જ વસૂલવામાં આવે છે. વેઇટિંગ અને આરએસી ટિકિટના આ નિયમમાં મોટો ફેરફાર કરવામાં આવ્યો છે. નવા નિયમ અનુસાર હવે મુસાફરોએ વેઇટિંગ કે RAC ટિકિટ કેન્સલ કરાવવા માટે ભારે ફી ચૂકવવી પડશે નહીં.

રેલવેએ નિયમોમાં ફેરફાર કર્યા

તેના નિયમોમાં મોટો ફેરફાર કરીને રેલ્વેએ RAC ટિકિટની વેઇટિંગ અને કેન્સલેશન માટે વધારાના ચાર્જને દૂર કરવાનો નિર્ણય લીધો છે. એટલે કે જો તમે વેઇટિંગ ટિકિટ કેન્સલ કરાવો છો અથવા તે કેન્સલ થઈ જાય છે, તો તમારી પાસેથી સુવિધા ફીના નામે વધારાનો ચાર્જ લેવામાં આવશે નહીં. રેલવેના નવા નિયમો અનુસાર હવે ટિકિટ કેન્સલ કરાવવા પર મુસાફરો પાસેથી 60 રૂપિયા વસૂલવામાં આવશે.

નિયમો કેમ બદલાયા?

વાસ્તવમાં ઝારખંડના સામાજિક કાર્યકર્તા સુનીલ કુમાર ખંડેલવાલે વેઇટિંગ ટિકિટ કેન્સલ કરવા માટે રેલવે દ્વારા વસૂલવામાં આવતી મોટી રકમ અંગે ફરિયાદ કરી હતી. તેમણે ફરિયાદ કરી હતી કે રેલવે માત્ર ટિકિટ કેન્સલેશન ચાર્જના નામે જંગી રકમ કમાઈ રહી છે. તેમણે ઉદાહરણ સાથે સમજાવ્યું કે એક મુસાફરે 190 રૂપિયામાં ટિકિટ ખરીદી હતી. આ ટિકિટ વેઇટિંગ ટિકિટ હતી જે કન્ફર્મ ન થવા પર રેલવે દ્વારા જ રદ કરવામાં આવી હતી.

રેલવે દ્વારા ટિકિટ કેન્સલ થયા બાદ તેને માત્ર 95 રૂપિયા મળ્યા હતા, બાકીની રકમ સુવિધા ફીના નામે વસૂલવામાં આવી હતી. આ ફરિયાદ બાદ IRCTC અને રેલવેએ પોતાનો નિર્ણય બદલી નાખ્યો. રેલવેએ નિર્ણય લીધો છે કે આવી ટિકિટો પર રેલવે દ્વારા નક્કી કરવામાં આવેલ પ્રતિ યાત્રી દીઠ માત્ર રૂ. 60 કેન્સલેશન ફી વસૂલવામાં આવશે.

પત્નીની સંપત્તિ પર પતિનો કોઈ જ અધિકાર નથી… ‘સ્ત્રીધન’ પર સુપ્રીમ કોર્ટની 5 વાતો તમારે જાણવી જોઈએ

WhatsApp એ કહ્યું ‘ તો અમે ભારત છોડીને ચાલ્યા જઈશું’, સરકારી નિયમોમાં કહેવામાં આવ્યું છે આવું-આવું!

બધા સવાલોનું સુરસુરિયું: EVM દ્વારા જ થશે મતદાન, સુપ્રીમ કોર્ટે બધી અરજીઓ ફગાવી દીધી

પાણીની બોટલનો નિયમ બદલ્યો

તમને જણાવી દઈએ કે તાજેતરમાં જ રેલવેએ વંદે ભારત ટ્રેનમાં મુસાફરોને આપવામાં આવતી પાણીની બોટલો સંબંધિત નિયમોમાં ફેરફાર કર્યો છે. રેલવેએ મુસાફરોને 1 લીટરને બદલે 500 મિલીની બોટલ આપવાનો નિર્ણય કર્યો છે. મુસાફરોને તેમની જરૂરિયાત મુજબ વધારાની 500 ml બોટલ મફત આપવામાં આવશે. રેલવેએ પાણી બચાવવાના ઉદ્દેશ્યથી આવું કર્યું છે.