India News : વન્ડર વેલ સ્કૂલના (Wonder Well School) માલિક સોનુ એજાઝે (Sonu Ejaze) 17 વર્ષની એક છોકરીને કામ અપાવવાના બહાને કથિત રીતે બળાત્કાર ગુજાર્યો હતો. આરોપ છે કે વીડિયો વાયરલ કરવાના બહાને આરોપી એજાઝ સગીરાનું યૌન શોષણ કરતો હતો અને કથિત રીતે તેના ધર્મ પરિવર્તન માટે દબાણ કરતો હતો.
પોલીસ પાસેથી મળતી માહિતી મુજબ 1 ઓક્ટોબરના રોજ આરોપી સોનુ એજાઝે સગીર બાળકીને પૈસાનો હિસાબ કરવાના બહાને તેના રૂમમાં બોલાવી હતી અને તેની સાથે જબરદસ્તી કરવા લાગ્યો હતો. સ્થાનિક લોકોને જ્યારે આ કેસની જાણ થઈ તો તેમણે આરોપી યુવક સોનુ એજાઝને સગીર યુવતી સાથે રંગેહાથ પકડી લીધો. આ ઘટનાથી રોષે ભરાયેલા સ્થાનિકોએ આરોપી યુવક સોનુ એજાઝને માર માર્યો હતો.
સગીર બાળકીના પિતાના નિવેદનના આધારે હેરોડીહ પોલીસ સ્ટેશનની પોલીસે આરોપી યુવક સોનુ એજાઝની ધરપકડ કરી જેલમાં મોકલી આપ્યો હતો. આ સાથે પીડિત યુવતીની મેડિકલ તપાસ પણ કરવામાં આવી છે. સગીરના પિતાની ફરિયાદના આધારે પોલીસે આરોપી સામે બળાત્કારના કેસમાં ફરિયાદ નોંધી છે. પોલીસ ધર્મ પરિવર્તન પર દબાણ લાવવાના કેસમાં પણ તપાસ કરી રહી છે.
પોલીસે જે આરોપી યુવકની ધરપકડ કરી હતી તે સોનુ એજાઝ ગિરિડીહ જિલ્લાના પચંબા પોલીસ સ્ટેશન વિસ્તાર હેઠળના મોહનપુર ગામનો રહેવાસી છે. ગિરિડીહ જિલ્લા પોલીસ અધિક્ષક દીપક કુમાર શર્માએ એક સગીર છોકરી પર બળજબરીથી બળાત્કાર ગુજારવા, અશ્લીલ વીડિયો વાયરલ કરવા અને ધર્મપરિવર્તન માટે દબાણ કરવાના આરોપી સોનુ એજાઝની ધરપકડની પુષ્ટિ કરી છે.
રુદ્રાક્ષ ધારણ કરવાથી માણસને થાય છે વિશ્નાસ ન હોય એવા અદ્ભુત ફાયદા, જાણો ધારણ કરવાની રીત
અંબાલાલ પટેલે કરી એકસાથે 3 વાવાઝોડાની આગાહી, ગુજરાતીઓના સારા સારા પ્રસંગની મજા સોંસરવી નીકળી જશે!
Breaking: પાકિસ્તાનમાં 48 કલાકમાં મોટો ભૂકંપ આવશે! તુર્કી જેવો વિનાશ થશે? સમગ્ર દેશમાં ચિંતાનો માહોલ
ઝારખંડના પહેલા મુખ્યમંત્રી અને ભાજપ ઝારખંડના પ્રદેશ અધ્યક્ષ બાબુલાલ મરાંડીએ પણ ગિરિડીહ ઘટના અંગે ટ્વિટ કરીને જણાવ્યું હતું કે, તેમણે પીડિતા અને તેના પરિવારને ન્યાય આપવાની સાથે સાથે ધર્મ પરિવર્તનનો પ્રયાસ કરવાના આરોપી યુવકને કડક સજા આપવાની પણ માંગ કરી છે.