મે મહિનામાં એલપીજી સિલિન્ડરના ગ્રાહકોને બીજો આંચકો લાગ્યો છે. ઘરેલું સિલિન્ડર એલપીજી સિલિન્ડરની કિંમત આજે ફરી એકવાર મોંધી થઈ છે. કોમર્શિયલ સિલિન્ડરની કિંમતો પણ આજથી એટલે કે 19મી મે 2022થી વધી છે. આ મહિનામાં બીજી વખત ઘરેલુ સિલિન્ડરના ભાવમાં વધારો થયો છે. 7મી મેના રોજ પહેલીવાર 50 રૂપિયાનો વધારો કરવામાં આવ્યો હતો અને આજે પણ ઘરેલુ એલપીજી ગેસ સિલિન્ડરની કિંમતમાં વધારો કરવામાં આવ્યો છે.
ઈંધણ કંપનીઓએ સત્તાવાર રીતે આ વધારો માત્ર બિન-સબસિડીવાળા ગેસ સિલિન્ડર માટે કર્યો છે. પરંતુ દેશના મોટા ભાગના શહેરોમાં હવે સરકાર દ્વારા ગેસ સિલિન્ડર પર સબસિડી આપવામાં આવી રહી નથી, જેથી ખરીદદારોને સબસિડી વગર સિલિન્ડર ખરીદવા પડે છે. પેટ્રોલ અને ડીઝલની સાથે સાથે ખાવા-પીવાની મોંઘવારીથી પરેશાન લોકો પણ એલપીજીના વધતા ભાવથી પરેશાન છે. 7 મેના રોજ પણ ઘરેલુ એલપીજી સિલિન્ડર 50 રૂપિયા મોંઘુ થયું હતું.
આ કારણે દેશના મોટાભાગના શહેરોમાં એલપીજી સિલિન્ડરની કિંમત 1000 રૂપિયાને પાર કરી ગઈ છે, પરંતુ દિલ્હી પાછળ રહી ગયું છે. આજે જ્યારે ઘરેલુ એલપીજી સિલિન્ડરના દરમાં 3 રૂપિયા 50 પૈસાનો વધારો કરવામાં આવ્યો હતો, ત્યારે આ અંતર દૂર થઈ ગયું હતું. હવે આખા દેશમાં ઘરેલુ એલપીજી સિલિન્ડર 1000થી વધુ છે. છેલ્લા એક વર્ષમાં દિલ્હીમાં ઘરેલુ એલપીજી સિલિન્ડર 809 રૂપિયાથી વધીને 1003 રૂપિયા થઈ ગયો છે.
આજથી દિલ્હી અને મુંબઈમાં 14.2 કિલોનું ઘરેલું એલપીજી સિલિન્ડર રૂ.1003માં અને કોલકાતામાં રૂ.1029માં અને ચેન્નાઈમાં રૂ.1018.5માં ઉપલબ્ધ થશે. 7 મેના રોજ એલપીજીના દરમાં ફેરફારને કારણે જ્યાં ઘરેલું સિલિન્ડર 50 રૂપિયા મોંઘું થયું, ત્યાં 19 કિલોનું કોમર્શિયલ સિલિન્ડર લગભગ 10 રૂપિયા સસ્તું થયું. આજે તેના દરમાં રૂ.નો વધારો કરવામાં આવ્યો છે. હવે 19 કિલોનો સિલિન્ડર દિલ્હીમાં 2354, કોલકાતામાં 2454, મુંબઈમાં 2306 અને ચેન્નાઈમાં 2507માં વેચાઈ રહ્યો છે. 1 મેના રોજ તેમાં લગભગ 100 રૂપિયાનો વધારો થયો હતો.