વોટ્સએપ પર કૉલ કરવાથી આપણા ઘણા કાર્યો સરળ બન્યા છે. જ્યારે ફોનમાં ડેટા પેક ખતમ થઈ જાય છે ત્યારે લોકો વોટ્સએપ કોલિંગ કરે છે જેના માટે તેમને માત્ર ઈન્ટરનેટની જરૂર હોય છે. પરંતુ હવે આ ફીચરમાં મોટો ફેરફાર થવા જઈ રહ્યો છે. હાલમાં વોટ્સએપ, ફેસબુક, ઈન્સ્ટાગ્રામ જેવી સોશિયલ મીડિયા એપ્સ પર ફ્રી કોલિંગ સર્વિસ આપવામાં આવે છે. પરંતુ આ સુવિધા ટૂંક સમયમાં સમાપ્ત થઈ શકે છે. કેન્દ્ર સરકારે લોકોનો અભિપ્રાય લેવા માટે ટેલિકોમ બિલનો ડ્રાફ્ટ બહાર પાડ્યો છે.
આ બિલમાં એવી જોગવાઈ છે કે વોટ્સએપ, ફેસબુક દ્વારા કોલ અથવા મેસેજ મોકલવાની સુવિધાને ટેલિકોમ સેવા તરીકે ગણવામાં આવશે. આ માટે આ કંપનીઓએ લાઇસન્સ મેળવવું પડશે. બિલનો ડ્રાફ્ટ ટેલિકોમ વિભાગની વેબસાઈટ પર બધાને ઉપલબ્ધ કરાવવામાં આવ્યો છે. આ સાથે વિભાગે બિલ પર ઉદ્યોગો પાસેથી સૂચનો પણ માંગ્યા છે. આ અંગે 20 ઓક્ટોબર સુધી અભિપ્રાય આપી શકાશે. બીજી તરફ જો બિલ પાસ થઈ જશે તો ટેલિકોમ્યુનિકેશન વિભાગ તેના હિસાબે ચાલશે.
દેશની ટેલિકોમ કંપનીઓ સતત ફરિયાદ કરી રહી છે કે વોટ્સએપ અને ફેસબુક જેવા પ્લેટફોર્મ પર યુઝર્સને મેસેજિંગ અને કોલિંગ સર્વિસ આપીને તેમને નુકસાન થઈ રહ્યું છે. આ ટેલિકોમ કંપનીઓ કહેતી રહી છે કે તેમની સેવાઓ ટેલિકોમ સેવા હેઠળ આવે છે. આવી સ્થિતિમાં લોકોનો અભિપ્રાય મેળવ્યા બાદ બિલ સંસદમાં રજૂ કરવામાં આવશે.
સરકારે આ બિલમાં લાયસન્સ ફી અંગેના કેટલાક નિયમો પણ ઉમેર્યા છે. આ અંતર્ગત સરકારને લાયસન્સ ફી આંશિક કે સંપૂર્ણ માફ કરવાનો અધિકાર છે. આ સાથે રિફંડની પણ જોગવાઈ કરવામાં આવી છે. જો કોઈ ટેલિકોમ અથવા ઈન્ટરનેટ પ્રદાતા તેનું લાઇસન્સ સરન્ડર કરે છે. આવી સ્થિતિમાં તેને રિફંડ મળી શકે છે. હાલમાં લાયસન્સ ફી બાદ જ ચાર્જ વસુલવામાં આવશે કે કેમ તેની માહિતી મળશે.