World News: વડાપ્રધાન નરેન્દ્ર મોદી UAEની બે દિવસીય મુલાકાતના ભાગરૂપે અબુધાબી પહોંચ્યા છે. આ દરમિયાન વડાપ્રધાન નરેન્દ્ર મોદી અને UAEના રાષ્ટ્રપતિ શેખ મોહમ્મદ બિન જાયદ અલ નાહયાનને ગળે મળ્યા હતા. પીએમ મોદીના આગમન પર તેમને ગાર્ડ ઓફ ઓનર પણ આપવામાં આવ્યું હતું. અહીં તેમનું ભવ્ય સ્વાગત કરવામાં આવ્યું હતું.
#WATCH | Abu Dhabi, UAE: Prime Minister Narendra Modi and President of UAE Sheikh Mohamed bin Zayed Al Nahyan, share a hug. PM Modi was also accorded Guard of Honour upon his arrival. pic.twitter.com/MSLhuTEv8d
— ANI (@ANI) February 13, 2024
રાષ્ટ્રપતિ શેખ મોહમ્મદ બિન ઝાયેદ સાથે દ્વિપક્ષીય વાતચીત કરી હતી. આ દરમિયાન પીએમ મોદીએ કહ્યું કે આજે ભારત અને યુએઈ વચ્ચે દરેક ક્ષેત્રમાં સંયુક્ત ભાગીદારી છે. અમે મહત્વપૂર્ણ નિર્ણયો લેવાના છીએ. સંબંધોના નવા યુગની શરૂઆત થઈ રહી છે. હું તમને સમય ફાળવવા અને ‘વાઇબ્રન્ટ ગુજરાત’ સમિટમાં આવવા આમંત્રણ આપું છું. PM મોદી 14 ફેબ્રુઆરીએ અહીં બનેલા પ્રથમ હિન્દુ મંદિરનું ભવ્ય ઉદ્ઘાટન કરશે.
#WATCH | Prime Minister Narendra Modi & UAE President Sheikh Mohamed bin Zayed Al Nahyan hold a meeting in Abu Dhabi, UAE. pic.twitter.com/JlZyG5K6cs
— ANI (@ANI) February 13, 2024
આ પહેલા વડાપ્રધાન નરેન્દ્ર મોદી મંગળવારે સવારે નવી દિલ્હીથી સંયુક્ત આરબ અમીરાત અને કતારની બે દિવસીય સત્તાવાર મુલાકાતે રવાના થયા હતા. તેઓ UAE સાથે દ્વિપક્ષીય મંત્રણા કરશે. ઉપરાંત, બીજા દિવસે 14 ફેબ્રુઆરીના રોજ, તેઓ હિન્દુ આસ્થાના કેન્દ્ર અબુ ધાબીના પ્રથમ હિન્દુ મંદિરનું ઉદ્ઘાટન કરશે. પ્રવાસ માટે રવાના થતાં પહેલાં, વડા પ્રધાને સોશિયલ મીડિયા પ્લેટફોર્મ ‘X’ પર પોસ્ટ કર્યું હતું કે તેઓ તેમના ‘ભાઈ’ UAE પ્રમુખને મળવા માટે ઉત્સુક છે જેમની સાથે તેઓ સારા સંબંધો ધરાવે છે.
#WATCH | Final preparations underway for cultural performances at 'Ahlan Modi' Indian diaspora event in Abu Dhabi, UAE pic.twitter.com/V8coK5W4dK
— ANI (@ANI) February 13, 2024
‘અહલાન મોદી’ કાર્યક્રમમાં પરફોર્મ કરવા માટે મહિલાઓ પરંપરાગત શૈલીમાં તૈયાર છે. આ મહિલાઓ પીએમ મોદીને આવકારવા માટે ‘ઘૂમર’ ડાન્સ કરશે. PM મોદીના સ્વાગત માટે અહીં એક સાંસ્કૃતિક કાર્યક્રમમાં લગભગ 1,000 કલાકારો પરફોર્મ કરવા તૈયાર છે.વિદેશ મંત્રાલયના પ્રવક્તા રણધીર જયસ્વાલે કહ્યું કે પીએમ મોદી તેમની UAE મુલાકાતના પ્રથમ તબક્કામાં UAEના ટોચના નેતાઓને મળશે. ભારતીય સમુદાયના લોકોને પણ સંબોધિત કરશે. આ દરમિયાન તેઓ અબુધાબીમાં BAPS દ્વારા બનાવવામાં આવેલા ભવ્ય હિન્દુ મંદિરના ઉદ્ઘાટન કાર્યક્રમમાં ભાગ લેશે. આ કાર્યક્રમને અહલાન મોદી નામ આપવામાં આવ્યું છે.