Politics News: રાજસ્થાનમાં નવી ભાજપ સરકારનો શપથ ગ્રહણ સમારોહ શુક્રવાર, 15 ડિસેમ્બરે યોજાશે. રાજધાની જયપુરમાં આલ્બર્ટ હોલ સ્થિત રામનિવાસ બાગમાં શપથ ગ્રહણ સમારોહનું આયોજન કરવામાં આવશે. જેની તૈયારી શરૂ કરી દેવામાં આવી છે. આ શપથ ગ્રહણ સમારોહમાં ભજન લાલ શર્મા રાજસ્થાનના આગામી મુખ્યમંત્રી તરીકે શપથ લેશે. તેમની સાથે દિયા કુમારી અને પ્રેમચંદ બૈરવા ડેપ્યુટી સીએમ તરીકે શપથ લેશે. આ શપથ ગ્રહણ સમારોહમાં વડા પ્રધાન નરેન્દ્ર મોદી, ભાજપના રાષ્ટ્રીય અધ્યક્ષ જેપી નડ્ડા, ગૃહ પ્રધાન અમિત શાહ, સંરક્ષણ પ્રધાન રાજનાથ સિંહ અને ભાજપ શાસિત ઘણા રાજ્યોના મુખ્ય પ્રધાનો હાજરી આપશે.
પ્રદેશ ભાજપ કાર્યાલયમાં બેઠક બાદ લેવાયો નિર્ણય
બુધવારે પ્રદેશ ભાજપ કાર્યાલય ખાતે મળેલી બેઠક બાદ શપથ ગ્રહણ સમારોહ અંગેનો આ નિર્ણય લેવામાં આવ્યો હતો. આ બેઠકમાં વિધાયક દળના નેતા ભજનલાલ શર્મા, પ્રદેશ અધ્યક્ષ સીપી જોશી, સંગઠન મહાસચિવ ચંદ્રશેખર, રાજેન્દ્ર રાઠોડ સહિત પક્ષના ઘણા નેતાઓ હાજર હતા.
ભૂપત ભાયાણી APPને અલવિદા કહીને કરશે કેસરિયા! લોકસભા પહેલા ગુજરાતમાં મોટી હલચલનો તખ્તો ઘડાયો!!
56 કરોડ જાનૈયા સાથે નીકળી ભગવાનની લગ્નની જાન, ધામધૂમથી પ્રસંગ ઉજવાયો! ઠેર-ઠેર લોકોએ કર્યું સ્વાગત
શર્માએ સીએસ અને ડીજીપી સાથે ચર્ચા કરી હતી
મુખ્યમંત્રી ભજન લાલ શર્માએ આજે મુખ્ય સચિવ ઉષા શર્મા અને ડીજીપી ઉમેશ મિશ્રા અને અન્ય ઉચ્ચ અધિકારીઓને બોલાવીને શપથગ્રહણની તૈયારીઓ અંગે ચર્ચા કરી હતી. જે બાદ સુરક્ષા વ્યવસ્થાને લઈને જયપુર પોલીસ કમિશનરેટમાં ઉચ્ચ સ્તરીય બેઠક યોજાઈ હતી. જેમાં સીએમ સુરક્ષા, રાજસ્થાન પોલીસ, એસપીજી, ફાયર અને અન્ય વિભાગોના અધિકારીઓએ ભાગ લીધો હતો. તેમની સાથે બેઠકમાં ભાજપના નેતાઓનું પ્રતિનિધિમંડળ પણ હાજર હતું.