શિવસેનાના બળવાખોર નેતા એકનાથ શિંદેએ દાવો કર્યો છે કે તેમની પાસે હાલમાં 46થી વધુ ધારાસભ્યોનું સમર્થન છે. તેમણે કહ્યું કે આ તમામ ધારાસભ્યો શિવસેના અને સહયોગી પક્ષોના ધારાસભ્યો છે. શિંદેએ કહ્યું કે તેમની પાસે શિવસેનાના 37થી વધુ ધારાસભ્યો છે. ધારાસભ્યો સાથેની બેઠક બાદ આગળનો નિર્ણય લેવામાં આવશે.
ઘણી ટીવી ચેનલો સાથેની વાતચીત દરમિયાન તેમણે કહ્યું કે અમે બાલાસાહેબ ઠાકરેની હિન્દુત્વની વિચારધારાને આગળ લઈ જઈશું. મેં ધારાસભ્યો સાથે વાત કરી છે. આ અંગે ઉદ્ધવ સાથે વાત કરી. અમે ભાજપના રાજ્યમાં કેમ ન જઈ શકીએ? અમે પોતે અહીં આવ્યા છીએ.
ઉદ્ધવ ઠાકરેની પત્ની રશ્મિ ઠાકરે સાથેની વાતચીતનો સ્વીકાર કરતાં શિંદેએ કહ્યું કે હું તેમની સાથે વાત કરતો રહું છું, ગઈકાલે પણ આવું જ થયું હતું. NCP-કોંગ્રેસથી અલગ થવાના પ્રશ્ન પર શિંદેએ કહ્યું કે અમે હિન્દુત્વની વિચારધારાને સમર્થન આપીએ છીએ અને અમારા સમર્થક ધારાસભ્યો સાથે બેઠક કર્યા પછી ભવિષ્યની રણનીતિ નક્કી કરીશું.